Psixologiyasi fanidan tavsifnomalar

1-2 DARS

MAVZU:  SPORT PSIXOLOGIYASI FANIGA KIRISH

Reja:

1. “Psixologiya” so‘zining ma’nosi.

2. “Sport psixologiyasi” fani haqida tushuncha.

Psixologiya  so‘zi  yunoncha  so‘zdan  olingan  bo‘lib,

“psixelogos” jon, ruh degan ma’noni anglatadi. U “jon”, “ruh”

haqidagi  ta’limot  bo‘lib,  zamonaviy  fanda  “jon”  o‘rniga

“psixika” so‘zi qo‘llanib kelinmoqda.

Sport psixologiyasi – sport musobaqalari va mashq qilish

faoliyatida  inson  psixikasining  rivojlanishi,  guruhiy

munosabatlarning  psixologik  qonuniyatlarini  tadqiq  etadi.

Mazkur  soha  XX  asrning  60-70  yillarida  jadal  rivojlana

boshladi  va  uning  ilk  tadqiqotlari  sportchining  induvidual

psixologik  fanlarni  o‘rganishga  qaratildi.

Hozirga  kelib  esa  sport  psixologiyasi  o‘rganayayotgan

muammolar  ko‘lami  kengaydi.  Shu  bois  uning  asosiy  vazifasi

sportchilarning psixik va jismoniy kamolotiga ta’sir ko‘rsatuvchi

shart-sharoitlarni  yaratib  berishdan  hamda  sportchining  shaxs

sifatida  rivojlanishiga,  erishgan  yutuqlariga  psixologik  yordam

ko‘rsatishdan  iborat  bo‘lib  qoldi.  Shuningdek:

– 60-yillarda shu sohaga doir kitoblar va qo‘llanmalar bosilib

chiqdi.  Ularda  psixologik  ilmiy  tekshirishlar  sportchining

faoliyatini  to‘g‘ri  tushunishga  yordam  berish  ko‘rsatildi.

– Amerikaning sport bo‘yicha psixologlari Frenklin, Xenri

va Artur Sleyter Xemmer maxsus dastur ishlab chiqdilar va

mazkur dastur yordamida sportchilar mahoratini oshirishga

erishdilar.

– Angliya, Amerika, Yaponiya va boshqa mamlakatlarning

sport  psixologlari  o‘rtasidagi  aloqalar  kuchaydi.

1965-yilda  Rimda  sport  psixologlarining  I  Xalqaro

kongressi  o‘tkazildi.  Unda  Sport  psixologlarining  Xalqaro

jamiyati  tuzildi.

Kitobxon.Com

---

5

1967-yilda  Indiana  Universitetidan  Slayter  Xammel,

Merilend  Universitetidan  Yoren  Lonson,  Kaliforniya

Universitetidan  Brayent  Kreyti  rahbarligida  sport

psixologlarining Shimoliy Amerika jamiyati tuzildi.

Sport psixologiyasi bo‘yicha birinchi kitob 1951-yilda Jon

Louter tomonidan yozilgan. Sport psixologiyasi fani asosan

sport bilan shug‘ullanuvchi kishining xulq-atvorini o‘rganadi.

Trener esa psixolog-amaliyotchidir.