Модулнинг ўқув-услубий мажмуаси Олий ва ўрта махсус таълим

Оила – тарбия ўчоғи. Оила – жамият негизи.
Ҳар бир инсонда илк 
ёшлигидан бошалб онгида шаклланадиган барча инсоний фазилатлар, эзгу 
ният, маслаклар, қадриятлар такомил топадиган, мафкуравий ва маънавий 
тарбия амалга ошириладиган муҳит оиладир. Ўзбек оиласи ўзида кўп асрлик 
мустаҳкам маънавий қадриятларимиз равнақ топадиган шундай масканки, 
унинг барқарорлиги ва мустаҳкамлиги жамиятимиз ривожининг муҳим 
омилларидан биридир. Агар оиладаги муҳит соғлом бўлса, унда камол 
топаётган ёш авлод қалби ва руҳига эзгу хусусиятлар, миллий ва 
умуминсоний қадриятларни, миллий истиқлол ғоясини сингдириш учун 
қулай шароит яратилган бўлади. 
Оила манфаатларини таъминлаш борасида 1998 йилда қабул қилинган ва 
муваффақиятли амалга оширилаётган тадбирлар тўғрисида Давлат дастури ва 
ушбу дастурда белгиланган тадбирларнинг стратегик йўналишларига 
эътибор берилса, улар мамлакатимиздаги оилаларнинг мустаҳкам бўлишига 
имкон берувчи вазифаларни назарда тутади. 
1998 йилнинг «Оила йили» деб эълон қилиниши ва шу йилнинг ўзида 
Ўзбекистон Республикаси Оила кодексининг қабул қилиниши ҳамда 
мамлакатимиз тарихда илк бор ташкил этилган Республика «Оила» илмий-
амалий марказининг мақсади ҳам давлатимизнинг оилани ҳар томонлама 
мустаҳкамлаш, ҳимоя этиш борасидаги сиёсатига ҳамоҳанг бўлиб, оилага 
тааллуқли бой ва сермазмун миллий анъаналарни авайлаб-асраш, уларни 
умуминсоний қадриятлар билан уйғунлаштириш, оила ва никоҳнинг 
муқаддаслигини ёш авлод онгига чуқур сингдириш йўли билан оилани 
мустаҳкамлиги, барқарорлигини таъминлаш, оила аъзоларининг ҳуқуқий 
саводхонлигини ошириш муаммоларини илмий ўрганиш, оилавий ҳаётга 
боғлиқ муаммоларни тадқиқ этиш ва фуқароларга бу масалаларда амалий 
ёрдам беришдан иборатдир. 
Марказнинг муҳим мақсад ва вазифаларидан бири оила консепсиясини 
яратиш ва уни ҳаётга жорий этишнинг услуб ва воситаларини жорий этиш 
орқали Ҳукуматимизнинг ижтимоий соҳадаги инсонпарвар сиёсатини амалда 
ҳар бир фуқаро онгига оила институти орқали сингдиришдан иборатдир. 
Давлатимизнинг биринчи раҳбари И.А.Каримов ҳар чиқишларида оила 
масалаларига катта эътибор берар эканлар, унинг тарбия берадиган 
масканлар орасида энг муҳими эканлигига оид фикрлари алоҳида аҳамиятга 
эга. «Оила ҳақида гапирар эканмиз, авваламбор оила ҳаётнинг абадийлигини, 
авлодларнинг давомийлигини таъминлайдиган муқаддас урф-одатларимизни 

---

107 
сақлайдиган, шу билан бирга, келажак насллар қандай инсон бўлиб 
йетишишига бевосита таъсир кўрсатадиган тарбия ўчоғи эканлигини тан 
олишимиз даркор». Мустақиллик йилларида Республика Ҳукумати ва 
биринчи Президенти И.А.Каримов томонидан оилага кўрсатилаётган 
эътибор, йилларга мақом берилаётганда оилани мустаҳамлаш, никоҳни 
қадрият сифатида эъзозлашга қаратилган чора-тадбирлар том маънода 
юртимизда оила ва фарзандлар ҳукуматнинг доимий ғамхўрлиги остида 
эканлигидан далолатдир. 
Қуйидаги 29-расмда Ғуломиддин Акбарзоданинг фикр-мулоҳазалари 
берилди (29-расм): 
29-расм 
 
1. Ўқитувчи муқаддас сиймо у сизнинг маслаҳатчингиз, уни 
ардоқлаб, обрў-еътиборига садоқатли бўлиш. 
2. Гуруҳ ва коллеж жамоасининг таълим-тарбия тадбирларига 
фаол қатнашиб, таклиф ва мулоҳазаларингизни айтиш. 
3. Ўқувчингизда нима яхши, нима ёмон эканлигани уқтириб, 
шарқона расм-русм, удум, анъаналаримиздан хабардор қилиш 
ўқитувчига кўмакдош бўлиш. 
4. Ўқувчингизнинг ўқув ишларига ёрдам бериб бориш. Унга 
бериладиган топшириқларни бажаришда уларга ёрдамингизни бериш. 
5. Ўқувчингизда коллеж, гуруҳ, ўқитувчи ва ўртоқларга 
нисбатан яхши фикр уйғотиш, чунки 1-гуруҳ ўқувчисининг коллеж 
шароитига мослаштириш анча мураккаб руҳий ҳолатдир. 
6. Фарзандингиздан кундалик иш фаолиятидаги муносабатини 
кузатиб, сўраб бориш. Бундай суҳбатда яхши, жуда яхши, марҳамат, 
раҳмат, барака топ каби сеҳрли сўзларни, ножўя ҳаракат содир бўлган 
бўлса, «чакки иш бўлибди», «мен кутмаган эдим» кабиларни 
ишлатиш. 
7. Ота-она коллежнинг яқин ёрдамчиси бўлиши, кўмакдоши ўз 
фарзандининг камоли билан яшаши кабилар