Microsoft Word Foydali qazilma end doc

TEMIR 
38.  TEBINBULOQ  koni. Qoraqalpog‘istonning Qorao‘zak tu-
mani hududida, Sulton Uvays tog‘larida, Nukus shahridan 75 km 
sharqda joylashgan. 
Kon 1937-yilda Ya.S.Visnevskiy tomonidan topilgan. Istiqbol-
dagi resurslari 300 metr chuqurlikgacha 1 mlrd tonna deb topilgan. 
Ma’dan tarkibida 16,2 % temir, 2 % titan, 0,15 % vanadiy bor. Ular-
dan tashqari platina, oltin, kumush va palladiy istiqbolli hisoblanadi. 
39. TEMIRKON koni. Jizzax viloyati, Forish tumani hududida, 
Uzunquduq qishlog‘idan 3 km masofada joylashgan. Kon 1989-yil 
A.G.Safarov, G.M.Zaletov tomonidan magnit anomaliyani burg‘ilash 
paytida aniqlangan. Razvedka ishlari tugallanish arafasida. 
40. SURENOTA koni. Toshkent viloyati, Parkent va Bo‘stonliq 
tumanlari hududida, Surenota tog‘ tizmasida joylashgan. Karyer ko‘ri-
nishidagi qadimgi lahimlar konning qadimiyligidan darak beradi. 
1930–40-yillarda konni I.M.Yefimenko va boshqalar o‘rganib, salbiy 
baho bergan. 1956-yilda aero va yerusti magnitorazvedka ishlarini 
olib borgan V.V.Kuznetsov konga ijobiy baxo berdi. Konning istiq-
boldagi umumiy resurslari 90 mln tonna qilib baholangan. Bundan 
tashqari angidrid (0,2 mln t) va brusit (50 mln t) ma’danlari ham baho-
langan. 
 

---

 
124