Бадиий ижодиёт маркази

“Ҳўш-ҳўш” ёки “Говмишим”
бу қўшиқлар асосий мазмуни соғилаѐтган 
сигирни тинчлантириш, уни ийдириш орқали кўпроқ сут соғиб олиш 
ҳисобланади. 
Ҳўш-ҳўш, жонивор, қўнғир, 
Сутинг оқади шир-шир 
Олтин хурмо қўлимда 
Ийиб сут билан тўлдир, ҳўш-ҳўш. 
Сени ҳайдаб боқаман, 
Кўзтуморлар тақаман 
Нормуродим феъли бўш, 
Говмиш молим ҳўш-ҳўш. 

---

29 
“Турей-турей” қўшиқлари.
Бу қўшиқлар қўйларни соғиш ва қўзиларни 
эмизишда айтилади. Шунинг учун ҳам турей-турей қўшиқларида она соғишни 
мадҳ этиш, уни ийдириш учун айтиладиган эркалаш оҳанглари етакчилик 
қилади. 
Эсли молим, турей-турей, 
Елкамдаги кокилим, турей-турей. 
Шунча молим ичида, 
Боғда очилган гулим, турей-турей. 
Қўйларни ҳид сезувчи органлари тараққий этган бўлиб, янги туғилган 
қўзиларга бошқа ҳайвоннинг ҳиди уриб қолса, она қўй ўз боласини эмизмай 
қўяди.шунда соғувчи ―агар болангни олмасанг, сени бозорга олиб чиқиб 
сотаман‖, деб совлиққа дўқ-пўписа қилади. 
Қўй ичида қорасан, турей-турей, 
Ақллисан доносан, турей-турей. 
Агар болангни олмасанг, турей-турей, 
Бозорларга борасан, турей-турей. 
“Чурей” қўшиқлари.
Соғим қўшиқларининг бу тури эчкиларни соғиш 
ѐки улоқларни эмизиш пайтида айтилади. Чурей қўшиқлари улоқ ѐхуд 
эчкининг характери, бирор белгиси, кўпинча соқоли, шохи ѐки қашқаси 
айтилиб уларнинг ташқи қиѐфаси тасвирланади. 
Шохларим бор бир минора, чурей-чурей, 
Минорага қушлар қўнаро, чурей-чурей. 
Боланг олиб искасанго, чурей-чурей, 
Олган шу эчким яхши эчки чурей. 
Соғиш пайтида эчки қаршилик қилмай тик туриб берса, соғувчи уни 
мақтаб, эркалаб, баъзан енгил ҳазил билан тегажоқлик қилиб қўшиқ куйлайди. 
Дикрайган қулоғи бор, чурей-чурей 
Чашмадек булоғи бор, чурей-чурей 
Ичида эгиз улоғи бор, чурей-чурей 
Шу эчким яхши эчки чурей.