Microsoft Word экология лотин doc

Areal  –  (lot.  «area»  –  maydon,  makon)  o‘simlik  va  hayvonlarning 
biror turi, turkumi yoki oilasi tarqalgan hudud. 
Atmosfera  –  (yun.  «atmos»  –  nafas,  bug‘,  havo,  «sphaira»  –  shar) 
yerni va boshqa ba’zi planetalarni o‘rab turgan gazsimon qobiq. 
Atrof  tabiiy  muhitning  sifati 
–  tabiatda,  tabiat  va  inson  orasida 
moddalar  va  energiyaning  almashuv  jarayonini  doimo  ta’minlab  turuvchi 
va hayotni qayta tiklashni kafolatlovchi ekologik tizimlarning holati. Atrof 
tabiiy  muhitning  sifati  tabiatning  o‘zi  tomonidan  unga  zararli  bo‘lgan 
moddalardan  o‘z-o‘zini  tozalash,  tabiiy  obyektlarning  o‘z-o‘zini  tiklani-
lishini  ta’minlash  yo‘li  bilan  amalga  oshiriladi.  Tabiatda  tabiiy  jarayonlar 
shunday  o‘tadiki,  bunda  qaysidir  obyektning  yakuniy  mahsuli  boshqa 
obyektning  ko‘payishi,  o‘z-o‘zini  tiklashi  uchun  xom  ashyo  bo‘lib,  chi-
qindisiz jarayon tamoyillari asosida hayot o‘tib boradi. Atrof tabiiy muhit-
ning sifati insoning sog‘ligiga, uning hayotiga, o‘simlik va hayvonot dun-
yosiga  salbiy  ta’sir  ko‘rsatmaydigan,  tabiiy  obyektlar  va  komplekslarning 
saqlanishini  ta’minlaydigan  darajadagi  barcha  tabiiy  resurslarning  holati 
demakdir. Bu tushuncha orqali biz tabiiy obyektlarning bir-biri bilan o‘zaro 
bog‘liqligini,  birining  sifati  o‘zgargan  taqdirda  boshqalarga  ta’sir  ko‘rsa-
tilishini hamda ularning inson salomatligiga ta’sir qilishini tan olamiz. 
Aysberg – (ingl. «iceberg» – muz tog‘) qutb dengizlarida qirg‘oqdan 
yoki muz tepaliklaridan o‘pirilib tushib, suvda suzib yuradigan katta muz.