SCIENCE AND EDUCATION IN THE MODERN WORLD:
CHALLENGES OF THE XXI CENTURY"
NUR-SULTAN, KAZAKHSTAN, FEBRUARY 2022
52
Назорат гуруҳидаги итларга: линкомицин 1,0 мл дан 2 маҳал 10 кун давомида
мушак орасига юборилди, кальций глюконати 1 таблеткадан (0,5 г) кунига 2 маҳал 25 кун
давомида ҳамда Аквадетрим (витамин Д
3
) 15000 МЕ препарати 5 томчидан кунига 1 маҳал
15 кун давомида озуқага қўшиб бериб борилди.
Итлар мунтазам клиник текширувлардан ўтказилиб турилди. Операциягача
итларнинг вена томиридан қон намуналари олиниб, операциядан аввал ва кейинги даврда
ҳар 10 кунда бир марта биокимёвий кўрсаткичлари бўйича текширишлардан ўтказиб
турилди. Бунда қон зардоби таркибидаги ишқорий ва аччиқ фосфатазалар миқдорлари
CYANSmart CY009 спектрофотометрида (Хитой) колориметрик усул билан аниқланди.
Тадқиқот натижалари.
Тажрибадаги найсимон суяклари синган итларни махсус
даволаш схемаси бўйича даволаш мобайнида қон зардобидаги ишқорий ва аччиқ
фосфатазаларнинг миқдорлари текшириб борилди.
Тадқиқотлар натижаларига кўра 1-тажриба гуруҳидаги барча итларнинг қонидаги
ишқорий фосфатаза (ИФ) миқдори операциягача меъёр доирасида бўлиб, ўртача
97,57±15,69 ммоль/л (р<0,05) ни ташкил этди. Операциядан кейинги даволашнинг 10-
кунига бориб ИФ миқдори сезиларли даражада ошди (129,25±19,73ммоль/л) ва бу
дастлабки ҳолатга нисбатан 32,46 % ни ташкил этди. Даволашнинг 20-кунида тажрибадаги
итларнинг қон зардобидаги ИФ миқдори 10-кунга нисбатан бироз пасайди, аммо
дастлабки натижадан юқори эканлиги аниқланди (125,35±14,25ммоль/л). Тажриба сўнгида
яъни даволашнинг 30-кунига келиб, 1-тажриба гуруҳидаги итлар қонидаги ИФ миқдори
20-кунга нисбатан 16,75 % га камайиб, ўртача 104,35±5,44 ммоль/л (р<0,05) эканлиги қайд
этилди.
Иккинчи тажриба гуруҳида даволанаётган итлар қонидаги ИФ миқдори
операциядан аввал меъёр чегарасида бўлиб, ўртача 109,46±22,97 ммоль/л ни ташкил этди.
Даволашнинг 10-кунида тажрибадаги итларнинг қон зардобидаги ИФ миқдори дастлабки
ҳолатга нисбатан 18,42 % га ортди (129,63±20,42 ммоль/л). Тажрибанинг 20-кунида 10-
кунга нисбатан ИФ миқдори 21,1 % га сезиларли даражада камайиб, ўртача 102,17±17,59
ммоль/л ни ташкил этди. Тажриба якунида 20-кунга нисбатан 15,33% га камайиши
кузатилди (86,50±4,38ммоль/л).
Назорат гуруҳи итларининг қонидаги ИФ миқдори операциядан аввал меъёрида
бўлиб, 90,40±5,38ммоль/л (р<0,05) ни ташкил этди. Операциядан кейин умумий қабул
қилинган даволаш усули бўйича даволанаётган бу гуруҳ итларнинг қон зардобидаги ИФ
миқдори тажрибанинг 10-кунида дастлабкига нисбатан 22,60 % га ошганлиги қайд этилди
(110,83±6,28 ммоль/л). Даволашнинг 20-кунига бориб ИФ миқдори ўртача 112,27±7,98
ммоль/л бўлиб, 10-кунга нисбатан 1,29 % га ошганлиги аниқланди. Даволашнинг 30-
кунида назорат гуруҳидаги итларда 20-кундагига нисбатан ИФ миқдори 22,89 % га
камайганлиги кузатилди (86,57±9,57 ммоль/л р<0,05). Биринчи ва иккинчи гуруҳларда ИФ
фаоллигининг кўтарилиши илгарироқ ва кучлироқ содир бўлди, бу эса остеогенез
фаоллашувини кўрсатади, чунки қон зардобидаги ИФнинг фаоллиги билан суяк
минерализацияси жадаллиги ўртасида ўзаро боғлиқлик мавжуд [4].
Do'stlaringiz bilan baham: |