“sanoat va xizmat ko'rsatish sohalarining raqamli transforma t siyasi: tendensiyalar, boshqaruv, strategiyalar” Xalqaro ilmiy-amaliy anjuman

Биринчидан,
рақамли иқтисодиётнинг ривожланиши бозордаги муҳитнинг 
кескинлашувига олиб келади. Бозор субъектлари ўртасидаги ўзаро иқтисодий алоқалар 
тезлашади, рақобатлашувнинг янги (электрон) шакллари юзага келади. Натижада бозорда 
айрим фаол ҳаракатланаётган кичик бизнес субъектларига қулай муҳит шакллангандек 
туюлса, ана бошқалари учун ишбилармонлик муҳити ноқулайлашгандек бўлади. Чунки ўз 
фаолиятини қийин ташкил этадиган кичик бизнес корхоналари ахборотлашган тизимга 
мослаша олмай қийналади.

---

“DIGITAL TRANSFORMATION OF INDUSTRY AND SERVICES: TRENDS, MANAGEMENT, 
STRATEGIES”
94
Маълумот учун қайд этиш керакки, россияликларнинг 78 фоизи улар учун 
компьютерда ишлаш табиий ва кундалик жараён эканини айтишган
1
. Хусусан, муаллиф 
томонидан олиб борилган илмий изланишлар натижасида аксарият респондентлар 
рақамли иқтисодиёт тўғрисида эшитган бўлсалар-да, ўз фикрлари билан тушунтира 
олмадилар. Лекин сўровномада иштирок этган респондентларнинг 89,6 фоизи (бу рақам 
фақат сўровномада қатнашганларга нисбатан олинган) компьютерда ишлашни табиий ва 
кундалик жараён деб биладилар
2
. Бугунги кунда тадбиркорларнинг деярли барчаси 
интернет тизимидан фойдаланиб келишмоқда. Аммо, уларнинг аксарияти «виртуал 
алоқа», «рақамли иқтисодиёт» тушунчаларининг қисқача моҳиятини ўз фикрлари билан 
қайд эта олишмаган. Дарҳақиқат, мамлакатимизда кичик бизнес ва хусусий тадбиркорлик 
ривожланиб борса-да, айрим тадбиркорлар (уларни орасида тажрибалилари ҳам бор) 
рақамли иқтисодиёт самарадорлигини яхши тушуниб етмаяптилар.
Иккинчидан,
рақамли иқтисодиётга хос бўлган технологик ўзгаришлар, ишлаб 
чиқарувчилар ва харидорларнинг бизнес юритишлари учун янги бозор қоидаларининг 
юзага келиши намоён бўлади. Бундай муҳитда кичик корхоналар янги рақобат 
стратегияларини қидириши ва рақобат самарадорлигини оширишлари керак. Айнан шу 
тарзда ишбилармонлик муҳитида янгича ривожланиш босқичи рўй беради. Чунки рақамли 
иқтисодиётда ҳам ўзига хос инновациялар қўлланилади. Бу эса мазкур соҳани тараққий 
этишига олиб келади. Ўз навбатида кичик корхоналар ва микрофирмалар янги 
шароитларга мослашишлари ва ривожланишлари учун рақамли ахборот технологиялари 
соҳасида ўзларининг билим ва малакаларини оширишлари талаб этилади. Шу тарздагина 
кичик бизнес субъектлари бозор муҳитида ўз фаолиятларини сақлаб қолишлари мумкин.