Loyiha matni 49901-(61999)

188-modda. Tadbirkorlik subyektlari faoliyatini davlat tomonidan nazorat qilishning
shakllari
Tadbirkorlik subyektlari faoliyatini davlat tomonidan nazorat qilish quyidagi shakllarda amalga
oshiriladi:
statistika va boshqa axborotlarni tahlil qilish;

---

project.gov.uz
06.06.2022
87
monitoring;
profilaktik tadbirlar;
tekshiruv.
Ushbu Kodeksda nazarda tutilmagan davlat nazoratining boshqa shakllarini amalga oshirishga
yoʻl qoʻyilmaydi.
Davlat tomonidan nazorat qilishda tadbirkorlik subyektlari oʻrtasida profilaktika tadbirlarini
amalga oshirish davlat nazoratining boshqa shakllariga nisbatan ustuvor ahamiyatga ega.
Davlat tomonidan nazorat qilish qonunchilik talablarni vijdonan bajarishga va majburiy
talablarni buzishga boʻlgan manfaatni minimallashtirishga qaratilishi lozim.
Davlat tomonidan nazorat qilish faqat qonunchilikning majburiy talablariga amal qilishni
taʼminlashga zarur boʻlgan nazorat tadbirlari bilan cheklanishi lozim.
189-modda. Statistika va boshqa axborotlarni tahlil qilish
Statistika va boshqa axborotlarni tahlil qilish nazorat qiluvchi organida mavjud boʻlgan statistik
va boshqa ochiq axborotlar hamda axborot resurslaridan olingan maʼlumotlar asosida amalga oshiriladi.
Tahlil tadbirkorlik subyektlarining qonunchilik bilan belgilangan daʼvo muddati oʻtmagan
faoliyat davriga nisbatan oʻtkazilishi mumkin.
Nazorat qiluvchi organ tahlil davomida davlat organlari va tashkilotlardan, mahalliy hokimiyat
organlari va nodavlat notijorat tashkilotlardan tahlil uchun zarur boʻlgan maʼlumotlarni soʻrab olishi
mumkin.
Tahlil davomida tadbirkorlik subyektlarining faoliyatiga toʻgʻridan-toʻgʻri aralashishga hamda
ulardan maʼlumotlar, hujjatlar va ularning nusxalarini talab qilib olishga yoʻl qoʻyilmaydi.