Loyiha matni 49901-(61999)

152-modda. Tadbirkorlik subyekti-yuridik shaxslar birlashmalarini davlat roʻyxatidan
oʻtkazish, davlat roʻyxatidan qayta oʻtkazishni rad etish asoslari va tartibi
Tadbirkorlik subyekti-yuridik shaxslar birlashmalarini davlat roʻyxatidan oʻtkazish, davlat
roʻyxatidan qayta oʻtkazishni rad etish uchun quyidagilar asos boʻladi:
davlat boji toʻlanmaganligi yoki uning toʻliq boʻlmagan miqdorda toʻlanganligi;
ushbu Kodeksning 149-moddasida koʻrsatilgan hujjatlar toʻliq taqdim etilmaganligi;
qonun va taʼsis hujjatlari bilan vakolat berilmagan organ tomonidan taʼsis hujjatlarini tasdiqlash
(xulosaga kelish), ularga oʻzgartirish va (yoki) qoʻshimchalar kiritish toʻgʻrisida qaror qabul qilinganligi;
tadbirkorlik subyekti-yuridik shaxslar birlashmalari aʼzolari tarkibiga yuridik shaxs boʻlmagan
boshqa subyektlar yoki tijoratchi boʻlmagan yuridik shaxslarning qabul qilinganligi;

---

project.gov.uz
06.06.2022
73
tadbirkorlik subyekti-yuridik shaxslar birlashmalarini tashkil qilish Oʻzbekiston Respublikasi
Fuqarolik kodeksining 77-moddasida belgilangan holatlarga zid boʻlsa;
ushbu Kodeks 149-moddasining birinchi qismida tadbirkorlik subyekti-yuridik shaxslar
birlashmalarining aʼzolari soniga qoʻyilgan minimal talabning bajarilmaganligi;
davlat roʻyxatidan oʻtkazishda, qayta roʻyxatdan oʻtkazishda qonunchilik hujjatlari bilan ustav
fondining (ustav kapitalining) miqdoriga doir talablar belgilangan tadbirkorlik subyektlari – yuridik
shaxslar uchun taʼsis hujjatlarida qonunchilikda nazarda tutilgan ustav fondining eng kam miqdoridan
kam boʻlgan miqdorning belgilanganligi;
yuridik shaxsning manzilini oʻzgartirish bilan bogʻliq qayta roʻyxatdan oʻtkazishda yuridik
shaxsning bazaviy hisoblash miqdorining uch yuz baravaridan ortiq soliq qarzi mavjudligi yoki amalga
oshirilgan tovar aylanma yoxud tovarlar importi boʻyicha realizatsiya hajmining soliq hisobotlarida toʻliq
aks ettirilmaganligi, shuningdek, soliq hisobotlarini belgilangan muddatlarda topshirmaganligi;
ulushning (hissaning) boshqa shaxsga oʻtishi bilan bogʻliq oʻzgartirish va qoʻshimchalarni qayta
roʻyxatdan oʻtkazishda, muassisning muassislar roʻyxati oʻzgarishiga roziligi mavjud emasligi.
Xorijiy investitsiyalar ishtirokidagi korxonani davlat roʻyxatidan oʻtkazishni, qayta roʻyxatdan
oʻtkazishni rad etish uchun ushbu moddaning birinchi qismida koʻrsatilgan asoslarga qoʻshimcha
ravishda taʼsis hujjatlarida koʻrsatilgan xorijiy investitsiyalar ulushi miqdorining xorijiy investitsiyalar
ishtirokidagi korxonalar uchun qonunchilik hujjatlarida belgilangan ulushi miqdoriga nomuvofiqligi asos
boʻladi.
Davlat roʻyxatidan qayta oʻtkazish uchun murojaat etilganda ushbu Kodeks 149-moddasining
birinchi qismida aʼzolar soniga qoʻyilgan minimal talab buzilgan taqdirda tadbirkorlik subyekti-yuridik
shaxslar birlashmalari boshqa tashkiliy-huquqiy shaklda qayta tashkil etilishi yoki ixtiyoriy tugatilishi
kerak.
Tadbirkorlik subyekti-yuridik shaxslar birlashmalarini davlat roʻyxatidan (qayta roʻyxatdan)
oʻtkazishni boshqa asoslarga, shu jumladan maqsadga muvofiq emasligi sabablariga koʻra rad etishga
yoʻl qoʻyilmaydi.
Davlat roʻyxatidan oʻtkazish, davlat roʻyxatidan qayta oʻtkazishga toʻsqinlik qiluvchi holatlar
mavjud boʻlganda roʻyxatdan oʻtkazuvchi organ xodimi Oʻzbekiston Respublikasi Adliya vazirligi
tomonidan tasdiqlangan shaklga muvofiq tadbirkorlik subyekti-yuridik shaxslar birlashmalarini davlat
roʻyxatidan (qayta roʻyxatdan) rad etish haqida qaror qabul qilinganligi toʻgʻrisidagi xabarnomani
rasmiylashtiradi hamda uni ariza beruvchiga taqdim qiladi (oʻzi kelib murojaat etgan taqdirda) yoki ariza
beruvchining Tizimdagi shaxsiy kabinetiga yuboradi.
Tadbirkorlik subyekti-yuridik shaxslar birlashmalarini davlat roʻyxatidan (qayta roʻyxatdan)
oʻtkazish rad etilgan taqdirda ariza beruvchi bu haqida xabarnomani olgan vaqtdan boshlab 5 ish kuni
ichida tegishli kamchiliklarni bartaraf qilgan holda davlat boji toʻlamasdan qayta murojaat qilish
huquqiga ega.
Bunda, tadbirkorlik subyekti-yuridik shaxslar birlashmalarini davlat roʻyxatidan (qayta
roʻyxatdan) oʻtkazish mazkur bobda belgilangan tartibda amalga oshiriladi.
Ariza beruvchi tomonidan ushbu moddaning beshinchi qismida belgilangan muddatdan keyin
berilgan soʻrovnomalar yangidan berilgan hisoblanadi.