133
ёритиш учун «икки томонлама назорат» атамасини таклиф этди. Бунда назорат
соҳалари акциядорлар ва ходимлар ўртасида аниқ бўлинган. Йирик
акциядорлар, биринчи навбатда банклар, корхона ўз акцияси учун даромаднинг
қулай (максимал эмас!) даражасини таъминлагунга қадар жорий назоратдан
бош тортади. Бу билан улар жорий назоратни фирма ходимларига ишониб
топширадилар. Бу ерда гап қисқа муддатли шартномалар асосида ёлланган
ходимлар ҳақида эмас, балки доимий ходимлар ҳақида боради.
Шундай қилиб, япон фирмаси «агентлар» иттифоқи моделига жуда яқин
ва унда «принципал-агент» хилидаги классик муносабатлар мавжуд эмас. Ушбу
фикр қуйидаги фактлар билан ҳам тасдиқланади.
Биринчидан,
J
фирмада
ходимларни бўлинмалар ва бажариладиган вазифалар бўйича бўлишдан фаол
фойдаланилади: ўзаро боғлиқ операцияларни бажариш ҳамда раҳбарликни
амалга оширишга ҳам лаёқатли универсал ходим идеал ҳисобланади. Масалан,
янги маҳсулотларни ишлаб чиқиш билан шуғулланувчи муҳандисларни ишлаб
чиқариш жараёнига сафарбар этиш амалиёти, ва аксинча, «чизиқли»
муҳандисларнинг тажриба-конструкторлик бюросидаги ҳар йиллик амалиёти
кўпроқ горизонтал мувофиқлашувга мисол бўлади.
Мувофиқлашувнинг горизонтал тамойиллари фирмада ахборот оқимлари
айланишини шу даражада оптималлаштириш имконини берадики, бўлинмалар
шиддат билан ишлаб ва зарурат туғилишига кўра янги маҳсулот тўпламларини
бошқа бўлинмаларга буюртма қилгани ҳолда, суғурта ва бутловчи қисмлар
захираларини барпо этмай фаолиятда давом этадилар.
Иккинчидан, ўрин алмашиш тамойили ходимларнинг мансаб бўйича
ўсишларини режалаштириш асосида ётади.
J
фирмада даража пағонаси амал
қилади, яъни ходимлар меҳнатига ҳақ тўлаш ва уларнинг ижтимоий мақоми
ишлаб чиқариш ўлчами билан эмас, балки фирмадаги поғона даражаси билан
белгиланади. Янгидан ишга қабул қилинган ходим учун лавозимда ўсиш паст
пағоналардан
бошланиб, унинг меҳнат фаолияти мобайнида давом этади.
Қизиғи шундаки, акциядор банклар ҳам,
J
фирма ҳам, унинг ҳамкорлари (ўзаро
боғлиқ корхоналар) ҳам даражаларнинг ягона иерархиясини ҳосил қилади.
Шунинг учун ходимнинг мансабда кўтарилиши корхонадан бошланиб, банкда
ёки ҳамкор фирмада давом этиши мумкин ва аксинча.
Япония корпорацияси агентлар иттифоқи томонидан назорат қилинади,
бу фирманинг мақсадли вазифасини ўзгартиради: ҳозирда фойдани кўпайтириш
унинг мақсадлари иерархиясида дастлабки ўринни эгалламайди. Фирма
томонидан назорат қилинадиган бозор улушининг узлуксиз ўсишини
таъминлаш биринчи ўринда туради, чунки бундай ўсиш ташкилий ўзгартириш,
тузилмани кенгайтириш ва ривожлантириш учун замин яратади. Ўсиш уни
таъминлаганларни мукофотлайди, - тамойили айнан япон фирмаларига
нисбатан тўғри, уларда ташкилий ўзгартириш
даражаларининг сонини
оширади, демак, ходимларининг мансабдаги ўсишини яхшилайди.
Бошқача айтганда, акциядорларни ҳам, ходимларни ҳам назорат қилиш
ишлаб чиқариш ва сотув ҳажмини ошириш орқали фирмани ташкилий юқори
рентани оширишга йўналтиради: фақат ана шундай мақсад турли
134
мулкдорларнинг манфаатларини тенглаштиради.
J
фирманинг асосий
ҳамкорлари – ўзаро боғлиқ корхоналар ва давлат билан ўзаро муносабатларига
тўхталадиган бўлсак, ҳар бир фирма квазидоимий ўзаро боғлиқ корхоналар –
«кейретсу» доирасига эга. Бунда «Toyota» туридаги
йирик корпорацияларда
ўзаро боғлиқ корхоналар бош фирма атрофида учта қаторга гуруҳланади.
Биринчиси – энг барқарор фирмалар (неоклассик шартнома асосида
ишловчи бундай ўзаро боғлиқ корхоналарнинг сони «Toyota»да 122 та),
иккинчиси – бозордаги вазият тубдан ўзгарган ҳолатда улар билан
муносабатлар узилиши эҳтимолига эга (5437 та) фирмалар, учинчиси - қисқа
муддатли шартномалар асосида ишловчи етказиб берувчилардан (41703 та
фирма) таркиб топади. «Кейретсу»ни тузишда ўзаро боғлиқ
корхоналарнинг
нуфузи асосида трансакция харажатларини тежаш омилига хатарни бўлиш
омили қўшимча қилинади: бозор конъюнктурасининг асосий таъсирини
иккинчи ва айниқса учинчи қатор таркибидаги ўзаро боғлиқ корхоналар ўзида
ҳис этади.
Давлат билан муносабатларга келсак,
Do'stlaringiz bilan baham: 
