Ю. И. АҲмадалиев

Зоонимлар- ҳайвон номлари билан аталган географик объектларнинг 
номидир. С.Қораевнинг ёзишича (2005) бундай географик номлар таркибида 
айғир, балиқ, баҳрин, бедана, бия, бурга, бургут, бўйра, бўри, дўлта 
(“сиртлон”),илон -жилон, карп, лайлак, малах (тожикча), от, туя, чаға, човли, 
шағол, эчки, эшак, қарсак, қарчиғай, қарға, қулон каби сўзлар учрайди. 
Географик номларнинг маълум географик ҳудуддаги йиғиндиси 
топонимия дейилади. Бу ҳудудларда турли хил катталикдаги географик 
объектлар номлари мужассамлашади. Шу тамойилга кўра улар 
макротопонимлар (“макро” - катта) ва микротопонимларга (“микро” - кичик) 
бўлинади. 
Қисқача хулоса 
Бошқа фанларда кузатилгани каби предметлараро аҳамият касб этувчи 
топонимика фанида ҳам тадқиқот предмети ва объектини муттасил кенгайиб 
бораётганлигини кузатиш мумкин. Айниқса, фаннинг Ер шаридаги турли 
туман номларни ўрганиш билан бирга коинотдаги географик номларни 
тадқиқ этишга киришиши фаннинг ривожида алоҳида ўрин тутмоқда. Янги 
қонуниятлар, иборалар юзага келиши давом этмоқда. 
Назорат ва муҳокама қилиш учун саволлар. 
1. Табиий ва сунъий келиб чиқишга эга бўлган географик объектга 
нималар киради? 
2. Топоним сўзининг луғавий маъноси нима? 
3. Ономастика нимани ўрганади ва у қайси фан тизимига тааллуқли? 
4. Топонимиканинг фан сифатидаги объекти нима? 

---

14 
5. Топонимиканинг предметини нималар ташкил этади? 
6. Ойконимларнинг қандай турлари мавжуд? 
7. Топонимиканинг сув объектларини ўрганувчи бўлимларини айтинг. 
8. Фито ва зоотопонимларнинг ўзига хос жиҳатларини айтинг.
Таянч иборалар. 
Топоним, ойконимика, антропоойконим, этноойконим, гидроним, 
потамоним, оронимика. 
1.2. Топонимиканинг ривожланиши, фанлар тизимида тутган ўрни 
Географик номлар тўғрисида энг қадимги маълумотлар ҳам дастлабки 
географик билимлар каби Геродотнинг “Тарих”, Страбоннинг “География” 
асарларида берилган, шарқдаги дастлабки ёзма манба сифатида номаълум 
муаллиф томонидан ёзилган “Ҳудуд ал-олам” (Х аср) асарини келтириш 
мумкин. 
Шуни алоҳида таъкидлаш лозимки, дунё фанида топонимик 
маълумотларга илмий ёндашув дастлаб Шарқ олимларидан Абу Райҳон