Ўзбекистон республикасининг қонуни «Ўзбекистон республикасининг давлат чегараси тўҒрисида» I. Умумий қоидалар

24-модда. Ўзбекистон Республикасининг ички сувларида, чегара бўйи дарёлари, 
кўллари ва бошқа сув ҳавзаларининг сув қисмларида овчилик, тадқиқот, қидирув 
фаолияти ва бошқа фаолият юритиш
Ўзбекистон Республикасининг ички сувларида, чегара бўйи дарёлари, кўллари ва бошқа 
сув ҳавзаларининг сув қисмларида овчилик, тадқиқот, қидирув фаолияти ва бошқа фаолият 
юритиш чегара қўшинлари рухсатига биноан қонун ҳужжатларига ҳамда Ўзбекистон 
Республикасининг халқаро шартномаларига мувофиқ амалга оширилади. 
IV. ДАВЛАТ ЧЕГАРАСИ ОРҚАЛИ ЎТКАЗИШ ПУНКТЛАРИДАГИ РЕЖИМ
25-модда. Давлат чегараси орқали ўтказиш пунктларидаги режимни белгилаш
Давлат чегараси орқали ўтказиш пунктларидаги режим чегара, божхона назорати ва 
назоратнинг бошқа турларини амалга ошириш учун белгиланувчи ҳамда шахсларнинг, 
транспорт воситаларининг шу пунктларга кириши, у ерда бўлиши ва у ердан чиқиши, товарлар, 
бошқа мол-мулк ва ҳайвонлар олиб кирилиши, туриши ва олиб чиқилиши, ўтказиш пунктлари 

---

5 
ҳудудида хўжалик фаолияти ва бошқа фаолиятни амалга ошириш тартибини белгиловчи 
қоидалар мажмуини ўз ичига олади. 
Давлат чегараси орқали ўтказиш пунктларидаги режим Ўзбекистон Республикаси 
Миллий хавфсизлик хизмати томонидан Давлат чегарасида назоратни амалга оширувчи барча 
органлар хизмат фаолиятининг зарур шароитларини сақлаб туриш мақсадида белгиланади. 
26-модда. Чет эл ноҳарбий кемалари ва ҳарбий кемаларининг Ўзбекистон 
Республикаси ички сувларига, портларига (рейдларга) кириши ҳамда у ерда бўлиши
Чет эл ноҳарбий кемалари ва ҳарбий кемаларининг Ўзбекистон Республикаси ички 
сувларига, портларига (рейдларга) кириши ҳамда у ерда бўлиши тартиби Ўзбекистон 
Республикаси Вазирлар Маҳкамаси томонидан Ўзбекистон Республикасининг халқаро 
шартномаларига мувофиқ белгиланади.