Ўзбекистон республикасининг қонуни «Ўзбекистон республикасининг давлат чегараси тўҒрисида» I. Умумий қоидалар

1-модда 
1. Ўзбекистон Республикаси ва Латвия Республикасининг амалдаги дипломатик 
паспортга эга фуқаролари визасиз Ўзбекистон Республикаси ёки Латвия Республикаси ҳудудига 
кириши, ундан чиқиши ҳамда транзит ўтиб кетиши мумкин.
 
2. Мазкур модданинг 1-бандида кўрсатилган шахслар Ўзбекистон Республикаси ёки 
Латвия Республикаси ҳудудида виза олмаган ҳолда 180 кун мобайнида 90 кундан ошмаган 
муддатда бўлишлари мумкин. 
2-модда 
1. Ўзбекистон Республикаси ва Латвия Республикасининг дипломатик 
ваколатхона ёки консуллик муассасасига ишга тайинланган амалдаги дипломатик паспорт 
эгалари ўзларининг расмий фаолиятлари давомида визасиз Ўзбекистон Республикаси ёки 
Латвия Республикаси ҳудудига кириши, чиқиши ва унда бўлиши мумкин.
 
2. Худди шундай қоидалар мазкур модданинг 1-бандида кўрсатилган шахсларнинг оила 
аъзоларига нисбатан ҳам қўлланилади, агарда улар амалдаги дипломатик паспортга эга 
бўлишса. 
3-модда 
Мазкур Битимда белгиланган визадан озод этиш амалдаги дипломатик паспорт 
эгаларини Ўзбекистон Республикаси ёки Латвия Республикаси қонун ва қоидаларини, 
жумладан, хорижий фуқароларнинг рўйхатга олиниши (аккредитация), ҳудудда бўлиши ва 
ҳаракатланиши қоидаларини ҳурмат қилиш мажбуриятидан озод этмайди. 
4-модда 
Ҳар бир Томон амалдаги дипломатик паспорт эгасини Ўзбекистон 
Республикаси ёки Латвия Республикаси ҳудудига кириши ёки унда бўлишини, агарда шахс 
номақбул деб топилса, рад этиш ҳуқуқини сақлаб қолади.
 
5-модда 
1. Томонлар мазкур Битим имзоланган санадан бошлаб ўттиз (30) кун давомида 
дипломатик каналлар орқали амалдаги дипломатик паспортлари намуналарини алмашадилар.
 
2. Томонлар амалиётга татбиқ этилаётган янги нусхадаги дипломатик паспортлар 
намуналарини дипломатик каналлар орқали уларнинг жорий қилинишидан ўттиз (30) кундан 
кам бўлмаган муддатда батафсил таснифи билан бирга алмашадилар. 
6-модда
1. Ҳар бир Томон оммавий тартиб, миллий хавфсизлик ёки жамоат соғлиғини 
сақлаш мақсадида мазкур Битимнинг татбиқ этилишини бутунлай ёки қисман тўхтатиб қўйиши 
мумкин.