1-БЎлим. Бахтли ҳаёт асослари бахтнинг баҳоси қанча?

11. Жинсий яқинлик пайтида аѐлига мулойимлик қилиш. 
Эр жимо вақтида аѐли эҳтиѐжини қондиришга имкон қадар ҳаракат қилади. Борди-ю эр аѐлдан 
олдин инзол бўлса, аѐлининг ҳам эҳтиѐжи тўлиқ қониши учун уни шоширмайди. 
Анас ибн Молик розияллоҳу анҳудан ривоят қилинган ҳадисда: “Сизлардан бирон киши аѐли 
билан яқинлашса, унга мулойимлик қилсин. Агар аѐлидан ўтиб кетса, уни шоширмасин!” дейилган 
(Абу Яъло ривоят қилган). 
Яқинликдан мурод эр ҳам, хотин ҳам бир-биридан кўзланган мақсадга етиб, шаҳватини 
қондириб, тўла иффатли бўлишдир. Бу ҳол уларнинг бир-бирига сингиб кетиши, қўшилиш вақтида 
роҳат туйишлари билан бўлади. Эр мулойимлик қилгандагина тўлиқ роҳатга эришилади. Қўпол эрдан 
хотини қочади, унга яқинлашгиси келмайди. Шунинг учун эр юмшоқ бўлиши, мақсадга етишга 
шошилмаслиги керак. Зеро, аѐлга қараганда эрдан тезроқ маний ажралади. Эрнинг аѐлдан олдин 
шаҳвати қонган бўлса, аѐли устидан туриб кетишга шошилмасин. Аѐл ҳам эридан кўзлаган мақсадига 
етиб олсин. Аѐл мақсадига етмасдан олдин эр туриб кетса, аѐл озорланади. 
12. Икки яқинлик орасида таҳорат қилиб олиш. 
Икки яқинлик орасида ғусл қилиш афзал саналса ҳам, таҳорат қилиб ѐки фаржни ювиб, қайта 
жинсий алоқа қилса бўлади. 
Анас ибн Молик розияллоҳу анҳудан ривоят қилинишича, Набий соллаллоҳу алайҳи ва саллам 
бир ғусл билан аѐлларини айланиб чиқардилар (Имом Муслим ривоят қилган). 
Бир ҳадиси шарифда: “Агар биронтангиз аҳлига яқинлик қилиб, сўнгра яна қайтишни хоҳласа, 
таҳорат қилиб олсин!” дейилган (Имом Муслим ривоят қилган). 
Аѐли билан бир марта яқинлик қилгандан кейин таҳорат қилиб ѐки таҳоратсиз ҳам яна 
қўшилиш жоиз. Аммо таҳорат қилиб олиш афзал. Бунинг қандай фойдаси борлигини қуйидаги 
ривоятдан билиб оламиз. 
Абу Саид Худрий розияллоҳу анҳу Набий соллаллоҳу алайҳи ва салламдан ривоят қилади: 
“Агар сизлардан бирон киши (аѐлига яқинлик қилганидан сўнг яна) қайтишни хоҳласа, таҳорат қилиб 
олсин! Зеро, бу унга тетиклик бағишлайди” (Ибн Ҳиббон ривоят қилган).