Reja: Yuridik shaxslardan olinadigan yer solig‘i ob’yekti, soliq solinadigan baza

---

6-MAVZU 
 
2.5. YURIDIK VA JISMONIY SHAXSLARDAN OLINADIGAN YER SOLIG’I 
Reja: 
 
1. Yuridik shaxslardan olinadigan yer solig‘i ob’yekti, soliq solinadigan baza.
2. Yuridik shaxslardan olinadigan yer solig‘i bo‘yicha imtiyozlar va soliq stavkalari.
3. Jismoniy shaxslardan olinadigan yer solig‘ini to‘lovchilar, soliq solish ob’yekti va soliq 
solinadigan baza.
4. Jismoniy shaxslardan olinadigan yer solig‘i imtiyozlari va stavkalari.
 
Tayanch so’z va iboralar: 
ball-bonitet, 
 
soliq to’lovchilar, soliq ob’ekti, soliq bazasi, soliq 
imtiyozlari, soliq stavkasi, soliq davri, soliq hisob-kitobi, soliq hisoboti, soliq to’lash muddatlari. 
1.
 
Yuridik shaxslardan olinadigan yer solig‘i ob’yekti, soliq solinadigan baza.
Yer solig‘i O‘zbekiston Respublikasining 1993 yil 6 mayda qabul qilingan «Yer solig‘i 
to‘g‘risida»gi Qonuniga asosan joriy etildi.
Yer solig‘i O‘zbekiston soliq tizimida mahalliy soliqlar va yig‘imlar tarkibiga kiradi hamda 
mahalliy budjetlarning barqaror daromad manbai hisoblanadi. 
Yer solig‘i boshqa soliq turlaridan farqli o‘laroq, o‘ziga xos xususiyatlarga ega. Jumladan, 
o‘zining iqtisodiy mohiyatiga ko‘ra u renta to‘lovidir yoki boshqacha qilib aytganda ushbu soliq 
yer egalari va yerdan foydalanuvchi xo‘jalik yurituvchi sub’yektlar moliyaviy faoliyatining 
natijalari bilan bog‘liq emas. Demak, ushbu soliq joriy etilishidan maqsad-yerdan oqilona 
foydalanishni rag‘batlantirish, tuproq unumdorligini oshirish, sifati turlicha bo‘lgan yerlarda 
xo‘jalik yuritishning ijtimoiy-iqtisodiy shart-sharoitlarini tenglashtirish, aholi yashaydigan 
joylarda infratuzilma rivojlanishini ta’minlash hamda yer talon-taroj qilinishiga yo‘l qo‘ymaslik 
hisoblanadi. 
Mulk huquqi, egalik qilish huquqi, foydalanish huquqi yoki ijara huquqi asosida yer 
uchastkalariga ega bo’lgan yuridik shaxslar, shu jumladan O’zbekiston Respublikasining 
norezidentlari