Я. Маматова, С. Сулайманова

Натижаларни 5дан 1гача бўлган шкалада баҳолаш (5- энг юқори баҳо) 
бўйича тавсиялар: 
5:
талабалар тавсия этилган мавзу юзасидан жонли мунозара олиб борди. 
Мунозара жараёнида улар тавсия этилган нашрнинг материалларини фаол таҳлил 
қилди. Улар мақсадли аудитория ва ОАВ ишлаб чиқарувчиларининг функция ва 
ролларини яхши англайди, шу билан бирга медианинг партисипатив табиатини 
эътиборга олишни ўрганиб олди. 
4:
мунозара жонли бўлиб, бевосита мавзуга дахлдор. Талабалар тавсия этилган 
нашрнинг материалларини, мақсадли аудитория ва ОАВ ишлаб чиқарувчиларининг 
функция ва ролларини таҳлил қилди, аммо медианинг партисипатив табиатига кам 
эътибор қаратди. 

---

30 
3:
талабалар мавзуни юзаки муҳокама қилди. Улар тавсия этилган нашрни 
юзаки таҳлил қилди. Мақсадли аудитория ва ОАВ ишлаб чиқарувчиларининг 
функция ва ролларини етарлича тушуна олмади. Медианинг партисипатив табиати 
ҳақида тасаввурлари тўлиқ эмас. Ёшлар ҳаётида медианинг ролини муҳокама 
қилиш юзаки. 
2:
мунозара пассив тарзда ўтди, талабалар баҳс мавзусини яхши тушунмади. 
Тавсия этилган нашр материаллари таҳлили чекланган. Муҳокама натижалари 
юзаки. 
1:
талабалар мавзуни деярли муҳокама қилмади, топшириқларни бажаришда 
иштирок этмади, медианинг ёшлар ҳаётидаги ролини англамади. 
2. Медиалар кундалик ҳаётда 
Машғулот мақсади
: талабаларни ўз медиаресурсининг ОАВ тизимидаги ва 
кундалик ҳаётдаги аҳамиятини тушунишга ўргатиш. 
Давомийлиги:
тахминан 30 дақиқа. 
Материаллар:
қоғоз, ручка. 
“Ёшлар, улар ҳамжамиятларининг медиа билан ўзаро муносабати” матнини 
ўқигандан сўнг тингловчилардан жуфт бўлган ҳолда қуйидаги саволларни муҳокама 
этишни сўранг. Саволларни навбати билан беринг. Жавобни тайёрлаш учун 2-3 
дақиқа вақт ажратилади. Жавобни тезис шаклида ёзишни сўранг. Саволлар 
қуйидагича: 
– Медиалар ёшларга қай даражада таъсир кўрсатади? Қайси медиасервислар 
ҳаётингизни енгиллаштиришга хизмат қилади, қайсилари эса мураккаблаштиради? 
– Сиз медиа билан боғлиқ мавзуларни қанчалик тез муҳокама қилиб турасиз? 
Охирги маротаба қайси мавзуларни муҳокама қилгансиз? 
– Дўстларингиз ва ота-онангиз сизнинг медиадан фойдаланиш одатингизга 
қандай таъсир кўрсатади?
– Сизни шеригингиздан ажратиб турадиган учта одатингизни кўрсатишга 
ҳаракат қилинг. 
Доскани тўрт қисмга ажратинг. Жуфтликлардан ҳар бир савол остига улар 
муҳокама пайтида шакллантирган жавобда мавжуд муҳим сўзлардан бир нечтасини 
ёзиб чиқишни сўранг. Муҳим сўзларни таҳлил қилиб, натижаларни чиқаринг. 
Таҳлилингизда медиадан индивидуал ва жамоа бўлиб фойдаланилганига эътибор 
қаратинг. Талабалардан жавобларига тушунтириш ва шарҳлар беришни сўранг. 
Талабаларни медиалар билан муносабатини таҳлил қилишга ўргатиш 
муҳимдир. Шунингдек, таҳлил натижаларини кўргазмали тарзда намойиш этиш ҳам 
муҳим аҳамиятга эга. Шунда талабалар медиадан фойдаланиш партисипатив 
мазмунга эга эканини тушуниб етади. 
Ушбу машқ медиани яратишга бағишланган машғулотлар учун мос келади, 
шунингдек, ундан ахборот тайёрлашнинг илгарилаган кўникмалари билан боғлиқ 
масалаларни ўрганишдан олдин тайёрлов машқи сифатида ҳам фойдаланиш 
мумкин.