Жисмоний шахсларга “онлайн-овердрафт” ажратиш оферта шартномаси асосий тушунчалар

Оферта шартномаси – 
“Банк” билан “Қарз олувчи” ўртасида электрон тарзда 
тузиладиган, СПК орқали “онлайн” тарзда овердрафт ажратиш ва уни тўлаш 
шартларини ўз ичига олган ушбу шартнома; 
“Онлайн-Овердрафт” кредити
(кейинчалик матн бўйича - овердрафт) - 
Қарз олувчига товарлар (ишлар, хизматлар) учун тўловларни амалга оширишда 
СПК ҳисобварағидаги қолдиқ маблағидан ортиқ миқдордаги маблағни ўрнатилган 
лимит доирасида ишлатиш ҳуқуқини берувчи кредитлашнинг қисқа муддатли 
шакли. 
2. ШАРТНОМА ПРЕДМЕТИ
2.1. Қарз олувчи мобил иловадан фойдаланган ҳолда кредитлар бўлимида 
овердрафт кредитини танлайди. Кредит махсулоти танлангандан сўнг Қарз 
олувчига оферта шартномаси тақдим этилади. Қарз олувчи шартнома шарлари 
билан танишиб чиққач, акцептлаш тугмаси орқали ушбу оферта шартномасини 
акцептлайди. Шартнома акцептлангандан сўнг дастур томонидан автоматик тарзда 
Қарз олувчининг тўлов қобилиятини аниқлаш ҳамда лимит миқдорини белгилаш 
учун скоринг ўтказилади.

---

2.2. Ушбу Шартнома “Қарз олувчи” томонидан акцептлангандан бошлаб 
“Банк” “Қарз олувчи”га, ушбу шартномада назарда тутилган шартларда онлайн 
овердрафт ажратади. “Қарз олувчи” эса ундан кредит беришнинг умумий 
қоидаларига (қайтаришлик, тўловлилик, муддатлилик ва таъминганлилик) риоя 
этган ҳолда фойдаланади ва қайтаради. 
3. УМУМИЙ ҚОИДАЛАР
3.1. Ушбу оферта шартнома акцептлангандан сўнг “Банк” дастурий равишда 
“Қарз олувчи”га овердрафтдан фойдаланиш имконини берувчи ссуда 
ҳисобварағини очади ва ушбу шартноманинг 3.2-бандига асосан дастурий равишда 
овердрафт лимитини белгилайди.
3.2. 
«Онлайн-овердрафт» миқдори(лимити) 
– скоринг таҳлил натижасига 
асосан, қарз олувчининг СПКга охирги уч ой давомида кирим бўлган ўртача ойлик 
иш ҳақи (ва унга тенглаштирилган даромадлари)нинг 1 (бир) баробаригача.