Муаммолари республика илмий-амалий конференцияси материаллари

РУХНИНГ ЛИПОЙ КИСЛОТА ВА ТАУРИН БИЛАН АРАЛАШ 
ЛИГАНДЛИ КОПМЛЕКС БИРИКМАСИ СИНТЕЗИ 
Алиқулова Ҳ.А., Қосимова М.Б., Шарипов А.Т. 
Тошкент фармацевтика институти, Тошкент ш., Ўзбекистон 
[e-mail]
 
 
Ишнинг долзарблиги. 
Таурин - соғлом турмуш тарзи учун муҳим модда 
бўлиб, у антиоксидант, осморегулятор, нейромодулятор хусусиятларга эга. 
Ферментлар таъсирида инсон организмида синтезланадиган, оқсил таркибига 
кирмайдиган олтингугурт сақлаган аминокислотадир. Липой кислота эса 
(Тиоктат кислотаси) - витаминларга ўхшаган модда бўлиб, организмда ҳосил 

---

93 
бўлади ва α-кетокислоталарнинг оксидланишли декарбоксилланишида 
кофермент вазифасини бажаради. Липой кислотаси периферик нервларнинг 
фаолиятини яхшилайди. Липой кислотаси металл хелатори ҳисобланади, 
шунинг учун уни металлар билан (масалан темир ва магний препаратлари 
билан) қўллаш мумкин эмас. Лекин фармацевтикада айни шу хусусиятдан оғир 
металлардан заҳарланиш ҳолатларида самарали фойдаланилади. Бунга унинг 
организмга ижобий таъсири, жумладан, ўсишда, ҳужайралар дифференциясида, 
рецепторлар фаоллигини оширишда, иммун системасини мустаҳкамлашда, 
углеводлар алмашинувидаги муҳим вазифалари сабаб бўлмоқда. Рухнинг липой 
кислота ва таурин билан аралаш лигандли копмлекс бирикмаси синтези долзарб 
вазифадир. 
Ишнинг мақсади.
Рухнинг липой кислота ва таурин билан аралаш 
лигандли копмлекс бирикмаси синтез қилиш ва жараён кинетикасини тадқиқ 
этиш.
 
Натижалар.
Дастлаб 100 мл ҳажмли стаканга рух ацетат 4,5890 г олиб, 
устига 50 мл тозаланган сув солиб эритилди. Алоҳида стаканга таурин 3,1310 г, 
липой кислотаси 3,51532 г ўлчаб олиниб, 50 мл тозаланган сув ёрдамида 
эритилди. Стакан магнитли аралаштиргичга (МХ-S Vortex Mixer DLAB) қўйиб, 
хона ҳароратида эриб кетгунча 500 айланиш/дақ тезликда аралаштирилди. 
Ҳосил қилинган таурин эритмасига доимий аралаштириб турган ҳолда, 
томчилатиб (15 томчи/дақ) олдиндан тайёрлаб олинган рух ацетат тузининг 
эритмаси қўшилди (Ме:L:L 1:1:1моль нисбатда). Реакция 25±2°С ҳароратда, 500 
айланиш/дақ. тезликда 1,5 соат давомида олиб борилди. Реакция унумдорлиги: 
93,7%. Реакциянинг кинетикаси параллел равишда спектрофотометрик усулда 
тадқиқ этиб борилди. Дастлаб таурин эритмаси спектрофотометрда (Agilent 
UV-Vis 8453) таҳлил қилиниб, унда иккита 256 ва 235 нм тўлқин узунликларида 
максимумлар аниқланди. Янги комплекс бирикма спектрида ўзига хос 314 нм 
тўлқин узунлигида ютилиш кузатилди. Иккита модда аралаштирилиб, реакция 
бошидан 2, 5, 10, 15, 30, 45, 60, 75, 90 ва 95 дақиқаларда намуналар олиниб, шу 
намуналарнинг спектрофотометрик таҳлили қилиб борилди. Олинган 
спектрларни қиёсий таҳлил қилиш натижасида реакция моддалар ўзаро 
аралаштирилганидан 2 дақиқадан сўнг бошланиши ҳамда вақт ўтиши 
натижасида янги бирикма концентрацияси ошиб бориши кузатилди. Олинган 
янги 
комплекснинг 
идентификацияси 
ИҚ-спектроскопик, 
КРД 
ва 
дериватографик усулларда амалга оширилди. Таурин ва комплекс кристаллари 
ИҚ- спектроскопик таҳлили комплекс бирикманинг ўзига хос тебраниш 
частоталари лиганддаги билан қиёсий солиштириш орқали аниқланди. Бунда 
олинган комлекс ИҚ-спектрида таурин ИҚ-спектрида кузатилмаган 740 ва700 
см
-1 
частоталарда янги ютилишлар пайдо бўлган. Ушбу ютилишлар мос 
равишда 

(M-O) ва 

(M-N) валент тебранишларига тегишлидир. Бундан 
кўринадики, металл ионлари лиганддаги N ваО атомлари орқали 
координациялашган. 

---

94