Тадбиркорлик (бизнес) ҲУҚУҚИ

Объектларни қайта ихтисослаштиришга ва реконструкция 
қилишга рухсат берувчи ҳужжатларни расмийлаштириш 
учун 
ариза берувчи Ягона марказга ариза беради. Аризага мавжуд 
объектнинг лойиҳа ҳужжатлари ёки кадастр ҳужжатлари нусхалари 
илова қилинади. Ягона марказ шу куннинг ўзида тегишли буюртмани 
ва мавжуд объектнинг тақдим этилган ҳужжатларини туман (шаҳар) 
архитектура ва қурилиш бошқармасига (бўлимига) юборади. 
Туман (шаҳар) архитектура ва қурилиш бошқармаси (бўлими) 
икки кун мобайнида объектни қайта ихтисослаштириш ёки 
реконструкция қилиш имкониятини ўрганиб чиқади. 
Объектни қайта ихтисослаштириш ёки реконструкция қилишга 
буюртманомани қайта кўриб чиқишда илгари ушбу рухсатномани 
беришни рад этиш тўғрисидаги билдиришномада кўрсатилмаган янги 
асослар бўйича объектни қайта ихтисослаштириш ёки реконструкция 
қилишга рухсатнома беришни рад этишга йўл қўйилмайди. 

---

III БОБ. Тадбиркорлик субъектлари фаолиятини ташкил этиш 
тартиби
102 
Қайта ихтисослаштириш ёки реконструкция қилишга рухсат 
беришнинг рад этилиши устидан ариза берувчи томонидан қонун 
ҳужжатларида назарда тутилган тартибда шикоят қилиниши мумкин. 
Муҳандислик жиҳатидан таъминлаш бўйича юкламаларни 
ўзгартирган ҳолда соҳасини ўзгартириш ва реконструкция қилишда 
муҳандислик-коммуникация тармоқларига улаш юзасидан техник 
шартларни олиш ва архитектура-режалаштириш топшириғини ишлаб 
чиқиш белгиланган тартибда амалга оширилади. 
Турар жойларни нотурар жойлар тоифасига ўтказишга 
рухсат берувчи ҳужжатларни расмийлаштириш 
Агарда турар жой нотурар жой тоифасига у уй-жойнинг пастки 
қаватида жойлашган бўлса ўтказилиши мумкин. 
Турар жойларни (ёки уларнинг бир қисмини) нотурар жойлар 
тоифасига ўтказиш учун ариза берувчи Ягона марказга ариза билан 
мурожаат қилади.