Ro‘yxatni tuzishdan maqsad, hisob ishlarini osonlashtirish, hujjat aylanishini oqilona
tashkil etishdan iborat. Hujjat aylanishi ro‘yxati sxema ko‘rinishida rasmiylashtirilishi
mumkin. Yoki jadval ko‘rinishida bo‘lib, quyidagi rekvizitlarga ega bo‘ladi: hujjat nomi,
hujjatni tuzish (nusxa soni, rasmiylashtiruvchi mas’ul, bajarilishga mas’ul, bajarilish
muddati) hujjatni tekshirish (tekshirishga mas’ul, kim keltirishi, keltirish tartibi, keltirish
muddati), hujjatni qayta ishlash (kim bajarishi, qayta ishlash muddati) arxivga berish (kim
beradi, berish muddati), hamda ro‘yxatni tasdiqlash buyrug‘i tartib raqami va muddati,
korxona muhri, korxona bosh buxgalteri va rahbari imzosi.
Korxona xodimlari hujjat aylanishi ro‘yxatiga asosan, ular faoliyatiga taalluqli
hujjatlarni tuzadi va taqdim etadi. Hujjatni o‘z vaqtida to‘g‘ri tocldirilishi, belgilangan,
muddatda taqdim etilishi, ulardagi ma’lumotlarning ishonchliligiga javobgarlik shu
hujjatni tuzgan va imzo chekkan shaxsga yuklatiladi.
Korxona bo‘yicha hujjat aylanishi ro‘yxati bo‘yicha ishlar o‘z vaqtida bajarilishini
bosh buxgalter nazorat etib boradi.
Dastlabki hujjatlar, hisob vedomostlari, buxgalteriya hisobotlari va balanslari arxivga
topshirilishi majburiydir.
Hujjatlar arxivga topshirilgunga qadar buxgalteriyada maxsus binoda yoki korxona
rahbari tayinlagan moddiy javobgar shaxs mas’ulligida berkitiladigan shkaflarda
saqlanadi.
Qat’iy hisobdagi blankalar esa, ular saqlanishini ta’minlaydigan seyflarda, metall
shkaflarda, maxsus binolarda saqlanadi. Aniq bir, hisob vedomostiga taalluqli, joriy oyda
qayta ishlangan dastlabki hujjatlar xronologik tartibda yig‘ilib arxivga ma’lumotnoma
bilan uzatiladi.
Kassa orderlari, hisobdorlik hisobotlari, bank ko‘chirmalari ular ilovalari bilan birga
xronologik tartibda yig‘iladi va taxtlanadi. Ba’zi bir hujjatlar taxtlanmasligi mumkin,
ammo ular yo‘qotilishi yoki suiiste’mollikni oldini olish maqsadida tikib qo‘yiladi.
Korxona arxivida dastlabki hujjatlar, hisob registrlarini, hisobotlarni saqlash tartibi
O’zbekiston Respublikasi arxivi bosh boshqarmasini materiallarini saqlash ko‘rsatmasiga
ko‘ra, o‘rnatiladi.
Hujjatlarni buxgalteriyadan va arxivdan boshqa tarmoq xodimlariga berilishi korxona
bosh buxgalteriya ruxsati bilan amalga oshiriladi.
Korxonadan hujjatlarni faqat aniqlash dastlabki tergov, prokuratura va sud
tashkilotlari to’lonidan amaldagi qonunchilikga javob bergan hollardagi qarorlariga asosan
olinishi mumkin.
Hujjat olinishi bayonnoma bilan rasmiylashtirilib, uni bir nusxasi korxonaga tegishli
mas’ul xodimga imzo bilan beriladi. Hujjat olgan tashkilot ruxsati va vakili ishtirokida,
tegishli mas’ul xodim olingan hujjatdan nusxa olishi mumkin va unda asosni ko‘rsatilishi
va olingan muddati ko‘rsatilishi kerak.
Do'stlaringiz bilan baham: