А. Бурханов, К. Рахматов

Ўзбекистонда уран захиралари
. Ўзбекистон Давлат Геология қўмитаси 
маълумотига кўра, республикада аниқланган уран захиралари миқдори 190 
минг тоннани ташкил қилади. Ундан 140 минг тоннаси – қумлоқ уран 
конларидир, 47 – минг тоннаси қора сланец уран конлари. Қазиб олиш 
осонроқ бўлган қумлоқ уран конлари олдин хорижий сармоядорларга таклиф 
қилинмас эди. Ушбу конлар Ўзбекистонда уран қазиб олиш ҳуқуқига эга 
бўлга ягона корхона - Навоий тоғ-металлургия комбинати захиралари 
таркибига киради.
Сўнгги бир неча йил давомида Ўзбекистон ҳукумати хорижий 
сармоядорларни қора сланецли уран конларидан уран қазиб олишга 
чорлашга ҳаракат қилди, лекин муваффақиятга эриша олмади. Бундай уран 
қазиб олиш учун катта инвестициялар киритиш керак. 
Айни дамда Ўзбекистон қазиб олинган барча уран рудасини экспортга 
юборади. Хусусан 2019 йил январида Ўзбекистон ва Ҳиндистон орасида уран 
етказиб бериш бўйича 200 млн долларлик шартнома имзоланган эди. 
Маълумот учун, бугунги кунда дунёнинг фақат 16 та мамлакатида уран 
захиралари аниқланган. Шунлардан бири Ўзбекистон. Энг йирик уран 
захиралари: Австралияда – 1,6 млн тонна, Қозоғистонда – 745 минг 
тонна, Канадада – 509 минг тонна, Россияда – 507 минг тонна. 

---

130
Ўзбекистон уран заҳирлари бўйича дунёда 11-12 ўринларда, уни қазиб 
олиш бўйича 7- ўринда туради. 
Мамлакатимизда ушбу соҳада кенг қамровли ишлар амалга 
оширилмоқда. Хусусан, Франциянинг Orano Mining S.A компанияси билан 
Навоий вилоятида уран конларини қидириш ва қазиб олиш бўйича қўшма 
корхона ташкил қилинди. 
Ўзбекистонда мис захиралари.
Мамлакатимиз мис захиралари бўйича 
дунёда 10-11-ўринда туради. Бугунги кунда Ўзбекистонда ягона мис ишлаб 
чиқарувчи, бу – «Олмалиқ» ТМК бўлиб, у йилига 100 минг тонна мис ишлаб 
чиқаради. Компания асосан Кальмакыр ва Сары-Чеку мис-порфир 
конларидан фойдаланади. Ундан ташқари янги мис рудаси захираларини 
излаб топиш, мавжудларини ишга тушириш борасида кенг кўламли ишлар 
амалга оширилмоқда. Хусусан, Россиянинг «Росгеоперспектива» компанияси 
Навоий вилоятидаги «Казахтау» и «Казахтау –I» мис-порфир конларида 
синов қудуқлари қазилади. Дастлабки босқичда сармоялар миқдори
3 миллион доллардан иборат. 
Rio Tinto номли Австралия-британия компаниясига Намангандаги 
«Гава» ҳудудида мис топиш учун «Дальнее» номли конни ўзлаштиришга 
киришди. Унинг умуммий қиймати 1,7 млрд. доллар. Лойиҳа очиқ услуб 
билан йилига 23 миллион тонна руда қазиб олишни назарда тутади.