1 Ўзбекистон республикаси

10.
 
“Олий таълим муассасаларининг раҳбар ва педагог кадрларини 
қайта тайёрлаш ва уларнинг малакасини оширишни ташкил этиш
чора-тадбирлари тўғрисида”ги № 242-сонли Қарори. 
Ўзбекистон 
Республикаси 
Президентининг 
“Олий 
таълим 
муассасаларининг раҳбар ва педагог кадрларини қайта тайёрлаш ва 
малакасини ошириш тизимини янада такомиллаштириш чора-тадбирлари 
тўғрисида” 2015 йил 12 июндаги ПФ-4732-сон Фармонини бажариш 
юзасидан ҳамда олий таълим муассасаларининг раҳбар ва педагог 
кадрларининг касбий даражасини узлуксиз такомиллаштириш учун шарт-
шароитларни таъминлаш мақсадида Вазирлар Маҳкамасининг 2015 йил 20 
августда № 242-сонли Қарори қабул қилинди. 
Унда қуйидагилар: 
1. “Олий таълим муассасаларининг раҳбар ва педагог кадрларини қайта 
тайёрлаш ва уларнинг малакасини ошириш курслари тўғрисида”ги 
Низом 1-иловага мувофиқ; 
2. Ўзбекистон Республикаси Вазирлар Маҳкамаси ҳузуридаги Олий 
таълим муассасаларининг раҳбар ва педагог кадрларини қайта тайёрлаш ва 
уларнинг малакасини ошириш, аттестациядан ўтказиш жараёнларини ташкил 
этиш ишларини мувофиқлаштириш бўйича Идоралараро комиссия 
таркиби 2-иловага мувофиқ; 
3. Базавий олий таълим муассасаларининг ўқув-методик ва моддий-
техника базасини мустаҳкамлаш, уларни ўқитишнинг замонавий ахборот-
коммуникация техникалари ва техник воситалари билан таъминлаш бўйича 
тадбирлар комплекси 3-иловага мувофиқ тасдиқланди. 
“Олий таълим муассасаларининг раҳбар ва педагог кадрларини қайта 
тайёрлаш ва уларнинг малакасини ошириш курслари тўғрисида”ги Низомда 
олий таълим муассасаларининг раҳбар ва педагог кадрларини қайта тайёрлаш 
ва уларнинг малакасини ошириш курслари олий таълим муассасаларининг 
раҳбар ва педагог кадрларининг касбий даражаси ва малакасининг доимий 
ўсиши учун зарур шарт-шароитлар яратиш ва ҳар томонлама кўмаклашиш, 
замонавий талабларга мувофиқ уларни мунтазам равишда қайта тайёрлаш ва 
малакасини оширишнинг такомиллаштирилган тизимини жорий этиш 
асосида юқори малакали мутахассисларни тайёрлаш сифатини қуйидаги 
йўллар орқали тубдан оширишга йўналтирилган: 
биринчидан,
олий таълим муассасалари раҳбар ва педагог 
кадрларининг касбий ва педагогик даражасини мунтазам ошириш асосида 

---

83 
уларнинг қонунчилик нормалари, назария, илмий ва амалий тадқиқотлар, 
технологик тараққиёт ва ўқитилаётган фанлар бўйича инновациялар, 
шунингдек, ўқув жараёнини ташкил этишнинг замонавий услублари 
соҳасидаги сўнгги ютуқларни чуқур ўрганиш; 
иккинчидан,
юқори самарали замонавий таълим ва инновация 
технологияларини, илғор хорижий тажрибани кенг жорий этган ҳолда, олий 
таълим муассасаларининг педагог кадрларини қайта тайёрлаш ва уларнинг 
малакасини ошириш бўйича малака талаблари, ўқув режалари, дастур ва 
услубларини тубдан янгилаш, олий таълим муассасалари раҳбар ва педагог 
кадрларининг фаолиятини зарур даражада ташкил этиш ва самарадорлигини 
таъминлаш; 
учинчидан,
олий таълим муассасалари педагог кадрларининг, шу 
жумладан глобал интернет тармоғи, мультимедиа тизимлари ва масофадан 
ўқитиш усулларидан фойдаланган ҳолда, илғор педагогика, ахборот-
коммуникация ва инновация технологияларини эгаллаш ва уларни ўқув 
жараёнига фаол татбиқ этиш; 
тўртинчидан,
олий таълим муассасалари педагог кадрларининг чет 
тилини амалий ўзлаштириш даражасини ошириш ва ундан ўз касбий 
маҳоратини, педагогик ва илмий фаолиятини муттасил ошириб бориш учун 
кенг фойдаланиш. 
Ушбу Низомда қуйидаги асосий тушунчалар қўлланилган: