Темир йўл транспорти кўп тармоқли хўжаликдир. Уни ўзига хос

---

Кириш 
Темир йўл транспорти – кўп тармоқли хўжаликдир. Уни ўзига хос, 
узундан-узоқ конвейерга ўхшатиш мумкин бўлиб, унинг узлуксиз ишлаши 
ҳар бир қисмининг ишлаб туришига боғлиқ. Темир йўл транспортини янада 
ривожлантиришга қаратилган вазифалардан бири – ушбу соҳа учун юқори 
малакали мутахассислар тайёрлаш алоҳида ўрин тутади. Ташиш 
жараёнининг самарадорлигини ошириш учун ҳар бир талаба темир йўл 
транспортининг ёндош тармоқлари ҳамда ташиш ишларини таъминлашда 
уларнинг урни ҳақида аниқ тасаввурга эга бўлиши талаб этилади. «ТТЭ ва 
ТЛ» факультети талабаларига “Темир йўлларнинг умумий курси” фанининг 
ўқитилиши ҳам айнан ана шу мақсадга қаратилган. 
Маъруза дарсларида олинган билимлар амалий машғулотлар ўтказиш, 
темир йўл объектларига экскурсиялар уюштириш, шунингдек институт 
махсус 
кафедраларида 
лабораториялардан 
фойдаланиш 
орқали 
мустаҳкамланади. 
Тақдим этилаётган услубий кўрсатмада амалий ишлар ўтказиш мақсади 
ва уларнинг мазмуни, уларнинг бажарилиш тартиби мисоллар ёрдамида 
ҳамда зарур маълумот материаллари баён этилади. 
“Темир йўлларнинг умумий курси” бўйича талабалар томонидан 
қуйидаги мавзуда тўртта ҳисоб-графика ишлари бажарилиши кўзда тутилади: 
темир йўлларда габаритлар, стрелкали ўтказгичлар, алоҳида (ажратиш) 
пунктлар, поездлар ҳаракати графигини тузиш. 
Биринчи машғулотлардан бирида ўқитувчи талабаларга зарур 
бошланғич маълумотлар рўйхати келтирилган вазифа топширади. Ишни 
бажаришга киришишдан аввал талаба вазифанинг бошланғич маълумотлари 
ва уни ишлаб чиқиш кетма-кетлиги билан танишиши, тақдим этилаётган 
услубий кўрсатмалар ҳамда тавсия этилаётган адабиётлар билан танишиб 
чиқиши лозим. 
Ҳисоб-графика иши алоҳида А4 ўлчамли чизма қоғози варағида 
бажарилган чизма кўринишида тақдим этилиши талаб қилинади.