Ўзбекистон Республикаси Вазирлар Маҳкамаси ҳузуридаги Олий аттестация комиссияси Бюллетени 2

197
2018/4
Жисмоний ва юридик шахсларнинг мурожаатлари тўғрисида 
маълумот
Ўзбекистон Республикаси Вазирлар Маҳкамаси ҳузуридаги Олий аттестация 
комиссиясида (ОАК) мурожаатлар билан ишлашга “Жисмоний ва юридик шахслар 
мурожаатлари тўғрисида”ги Қонун ва тегишли норматив-ҳуқуқий ҳужжатлар 
талаблари асосида алоҳида эътибор берилади.
Жорий йилнинг январь-октябрь ойларида ОАКга жами 385 та мурожаат, 
жумладан 115 (29,8%)таси электрон, 80 (20,8%)таси оғзаки ва 157 (40,8%)таси 
ёзма мурожаатлар шаклида келиб тушган.
Ҳисобот даврида келиб тушган барча (385) мурожаатларга ўз муддатида жавоб 
берилган. 
Мурожаатларнинг йўналишлар бўйича таҳлилига кўра мурожаатлар моҳиятан 
аттестация жараёни масалаларига, жумладан диссертация ҳимоясини ташкил 
этиш, илмий унвонлар бериш тартиби, илмий унвон ва даража олишга оид 
аттестация ҳужжатларини кўриб чиқишни тўхтатиш каби аттестация тадбирларига 
бағишланган.
БИЗ КОРРУПЦИЯГА ҚАРШИМИЗ!
Ўзбекистон Республикаси Президентининг 2017 йил 2 февралдаги ПҚ–2752-сон 
Қарори билан тасдиқланган “2017–2018 йилларга мўлжалланган коррупцияга қарши 
курашиш бўйича” Давлат дастурида белгиланган вазифалар ижроси юзасидан жорий 
йилнинг 7 декабрь куни 
Ўзбекистон Республикаси Вазирлар Маҳкамаси ҳузуридаги 
Олий аттестация комиссияси (ОАК)
да “9 декабрь – Халқаро коррупцияга қарши 
курашиш куни”га бағишланган тадбир бўлиб ўтди.
Ушбу тадбирда Ўзбекистон Республикаси Бош прокуратура Академиясининг 
Коррупцияга қарши курашиш илмий-таълим маркази бошлиғи ю.ф.д. Б.И.Исмаилов 
мамлакатимизда коррупцияга қарши курашиш борасида олиб борилаётган ишлар 
тўғрисида маъруза қилди. Мазкур учрашувда коррупцияга қарши курашишда олий 
малакали илмий ва илмий-педагог кадрлар аттестацияси соҳасида амалга оширилаётган 
тадбирлар, ҳуқуқий маданиятни юксалтириш, коррупцияга қарши курашда муросасиз 
бўлиш, шунингдек аттестация талабларининг ягоналигини таъминлаш каби масалалар 
юзасидан фикрлар билдирилди.
Мазкур тадбирда коррупцияга қарши курашиш мақсадида ОАКда
коррупция 
ҳолатлари бўйича махсус қути, ишонч телефон рақами тўғрисида маълумотлар келтирилган 
стендни ташкил қилиш тўғрисида маълумотлар берилди.
ОАКда коррупцияга қарши кураш бўйича мақсадли тадбирларни амалга ошириш 
юзасидан тегишли чора-тадбирлар изчил амалга оширилади.

---

Ўзбекистон Республикаси Вазирлар Маҳкамаси ҳузуридаги Олий аттестация комиссияси Бюллетени