B. M. Mamatkulov, X. E. Rustamova jamoada hamshiralik

 
ayollar va bolalarni tekshirish uchun ixtisoslashtirilgan tibbiy-genetik 
markazlarini rivojlantirish; 

 
pediatriya xizmatini qayta tashkil etish va sifatini oshirish.
O'zbekiston Respublikasi Prezidentining 2014 yil 1 avgust kuni 
“2014—2018 
yillarda 
O'zbekistonda 
aholining
reproduktiv 
salomatligini yanada mustahkamlash, onalar, bolalar va o'smirlar 
sog'lig'ini muhofaza qilish borasidagi Davlat dasturi to'g'risida”gi Qarori 
imzolandi.
Qarorda qayd etilganidek, «Sog'lom ona — sog'lom bola» 
onalar va bolalar sog'lig'ini muhofaza qilish Milliy modelini, «Sog'lom 
bola yili» Davlat dasturini amalga oshirish doirasida respublikada 
aholining reproduktiv salomatligini yanada mustahkamlash, onalik va 
bolalikni muhofaza qilish sohasida tibbiy yordam ko'rsatayotgan tibbiyot 
muassasalarining moddiy-texnika bazasi va kadrlar salohiyatini 
kuchaytirishga, zamonaviy tashxis usullarini joriy etish, ayollar, bolalar 
va o'smirlar kasalliklarining oldini olish va davolashga yo'naltirilgan 
keng ko'lamli ishlar amalga oshirilmoqda. 
2009—2013 yillarda respublikada homilador va tug'adigan ayollarga 
tibbiy yordam ko'rsatuvchi 227 ta muassasa zamonaviy tibbiy asbob-
uskunalar bilan jihozlandi, viloyatlarda zamonaviy perinatal markazlari 
tashkil etildi, qishloq joylardagi 1,5 mln.dan ortiq homilador ayollar 
Davlat byudjeti mablag'lari hisobidan polivitamin komplekslari bilan 
ta'minlandi. 
Natijada, keyingi 5 yil mobaynida nonormal rivojlangan bolalar 
tug'ilishi 1,3 barobarga kamaydi. 6—15 yoshgacha bo'lgan bolalar 
o'rtasida o'tkir respirator virus infeksiyalari bilan kasallanish — 9,7 

---

42 
foizga, pnevmoniya — 49,1 foizga, bronxit — 32,8 foizga skolioz bilan 
kasallanish esa — 32,7 foizga pasaydi 
Davlat 
dasturiga 
ko'ra, 
aholining 
reproduktiv 
salomatligini 
mustahkamlash, sog'liqni saqlash tizimining barcha bosqichlarida onalar, 
bolalar va o'smirlar sog'lig'ini muhofaza qilish bo'yicha sifatli tibbiy 
xizmatlardan keng va bir xil foydalanish ta'minlanadi. Nonormal 
rivojlangan bolalarni tibbiy-ijtimoiy reabilitatsiya qilish sifatini oshirish, 
nogiron bolalar va o'smirlarni sog'lomlashtirish, ularning jamiyat 
hayotida to'laqonli qatnashishlari uchun zarur shart-sharoitlar yaratiladi. 
Tibbiy yordam ko'rsatishning barcha bosqichlarida, ayniqsa, sog'liqni 
saqlash tizimining birlamchi bo'g'in muassasalarida onalik va bolalikni 
muhofaza qilish sohasidagi tibbiy kadrlar salohiyati mustahkamlanadi. 
Shuningdek, yuqori texnologik tibbiy yordam ko'rsatish borasida 
zamonaviy infratuzilmani yanada rivojlantirish, aholini onalar, 
chaqaloqlar, bolalar va o'smirlarni parvarishlash bo'yicha o'tkazilayotgan 
tadbirlar va dasturlarda ishtirok etishga faol jalb etish, sog'lom turmush 
tarziga amal qilish, sog'lom va ahil oila qurish afzalliklarini targ'ib qilish 
ishlari olib boriladi. Har bir viloyat, tuman va aholi punktida Davlat 
dasturida nazarda tutilgan chora-tadbirlarni amalga oshirish, shuningdek 
ularning so'zsiz bajarilishi ustidan muntazam nazorat o'rnatish va 
monitoring olib borishni ta'minlaydi.