B. M. Mamatkulov, X. E. Rustamova jamoada hamshiralik

Tug‘ruq kompleksi (bo‘limi) tuzilishi. 
Tug‘ruq kompleksi 
(bo‘limi) da quyidagi tarkibiy bo‘limlar mavjud: statsionar, davolash - 
diagnostik bo‘limlar va ma’muriy - xo‘jalik qism. Tug‘ruq kompleksi 

---

200 
(bo‘limi) ning tuzilishi qurilish me’yorlari va davolash - profilaktik 
muassasalar qoidalari, sanitar - epidemiyaga qarshi rejim - amaldagi 
me’yoriy hujjatlar talablariga to‘liq javob berishi kerak. 
Tug‘ruq kompleksi (bo‘limi) da quyidagilar bo‘lishi kerak: 
1.
Kislorod o‘tkazilishi; 
2.
Issiq va sovuq suv o‘tkazilishi; 
3.
Kanalizatsiya; 
4.
Statsionar (tashiluvchan) bakteritsid nurlatgichlar yoki kirish - 
chiqish ventilyasiyasi. 
Tug‘ruq statsionari o‘zini tarkibida quyidagi bo‘limlarni 
tutishi kerak: 
- qabul-ko‘rik bo‘limi; 
- homiladorlar patologiyasi bo‘limi (akusherlik o‘rinlarining umumiy 
sonidan 30-35%i); 
- I akusherlik bo‘limi (akusherlik o‘rinlarining umumiy sonidan 25-
30%i); 
- II akusherlik bo‘limi (akusherlik o‘rinlarining umumiy sonidan 25-
30%i); 
- reanimatsiya va homiladorlar, tug‘ruq va tug‘ruqdan keyingi ayollarni 
intensiv terapiyasi bo‘limi (xonasi); 
- chaqaloqlarni reanimatsiyasi va intensiv terapiyasi xonasi; 
- ginekologiya bo‘limi (akusherlik kompleksi koykalarining umumiy 
sonidan 15-20%); 
- sterilizatsiya qilish va laboratoriya bo‘limlari. 
Barcha bo‘limlar kerakli tibbiy apparatura va instrumentlar, 
kuzatuv anjomlari, tibbiy mebel va jihozlar bilan ta’minlangan bo‘lishi 
kerak.
Tug‘ruq kompleksi (bo‘limi) xodimi har bir bo‘limda grafikga binoan 
ishlaydi. Ishga qabul 6.06.2000 yildagi №300 buyruqga asosan OIV va 
HbsAg ga tibbiy ko‘rikdan o‘tgandan so‘ng qo‘yiladi. 
Akusherlik bo‘limlarining qabul bloki orqali faqatgina homiladorlar, 
tug‘ruq va tug‘ruqdan keyingi ayollar qabul qilinadi. Ginekologik 
bemorlar uchun alohida qabul bo‘limi bo‘lishi kerak.