B. M. Mamatkulov, X. E. Rustamova jamoada hamshiralik

Qishloq vrachlik punkti 
(QVP) – o`ziga biriktirilgan qishloq aholisiga 
birlamchi tibbiy sanitariya yordamini ko`rsatuvchi davolash – profilaktika 
muassasasi hisoblanadi. Hozirgi kunda mamlakatimizda zamonaviy tibbiy texnika 
bilan jihozlangan 3 mingta yaqin qishloq vrachlik punktlari faoliyat ko`rsatmoqda. 
Qishloq vrachlik punktlari, u xizmat ko`rsatayotgan aholi soniga, aholi punktlari 
soniga, joylashganligiga, xizmat radiusiga, qishloq xo`jaligi va boshqa ishlab 
chiqarish tarmoqlarining harakteriga qarab tashkil etiladi. 
Xizmat ko`rsatayotgan aholi soniga qarab QVP to`rt tipli bo`ladi: 
Birinchi tip – 1500 tagacha odamga.
Ikkinchi tip – 1500 dan 3500tagacha. 
Uchinchi tip – 3500 dan 6000 tagacha. 
To`rtinchi tip – 6000 tadan 10 000 tagacha. 
QVPda ishlovchi vrachlar tarkibi va shtatlari lavozimining soni, uning tipiga 
va xizmat ko`rsatayotgan aholi soniga qarab belgilangan tartibda aniqlanadi. 
QVPning tarkibi va uning faoliyatini boshqarish
 
QVP strukturasi uning tipiga va 
xizmat ko`rsatayotgan aholi soniga bog`liq. Umumiy tarzda QVP tarkibi 
quyidagicha ko`rinishda bo`ladi.

---

175 
QVPga tuman tibbiyot birlashmasi boshlig`i tomonidan tayinlangan – mudir 
rahbarlik qiladi, o`rinbosari sifatida moliyaviy menedjer lavozimi kiritilgan. 
QVP mudiri, o`rnatilgan tartibda QVPning faoliyatiga umumiy rahbarlik 
qiladi. U QVPga biriktirilgan aholiga birlamchi tibbiy – sanitariya yordamini 
ko`rsatadi va kasalliklarni oldini olish bo`yicha profilaktik chora-tadbirlarni 
o`tkazadi, sifatli va samarali tibbiy yordam ko`rsatish, aholi salomatligini 
muhofazalash maqsadida QVP faoliyatini boshqaradi. QVP faoliyati tuman 
tibbiyot birlashmasi tomonidan nazorat qilinadi. QVP to`la qonli faoliyat ko`rsatish 
uchun davlat mablag`i hisobidan tibbiyot apparatlari, tibbiyot mebellari, dori 
vositalari, sanitariya va gigiena vositalari, yumshoq va qattiq inven`tarlar bilan 
ta`minlandi.