Кодекси умумий қисм биринчи бўлим асосий қоидалар олдинги таҳрирга қаранг

131-модда. Таниб олиш учун кўрсатиш ҳолатини мустаҳкамлаш 
Суриштирув ѐки дастлабки тергов вақтида ўтказилган таниб олиш 
учун кўрсатиш тўғрисида баѐннома тузилади. Суд муҳокамасида ўтказилган 
таниб олиш учун кўрсатиш суд мажлиси баѐнномасида қайд қилинади. 
Барча ҳолларда баѐнномага: таниб олувчи, таниб олиш учун кўрсатиш 
шароити, жараѐни ва натижалари, таниб олиш учун кўрсатилган шахслар, 
уларнинг ѐши, бўйи, миллати, турар жойи, кўзга ташланувчи белгилари, 
кийимлари; таниб олиш учун кўрсатилган нарсалар тавсифи; таниб олиш 

---

учун кўчмас объектлар кўрсатилганда эса, шунингдек таниб олувчи 
кўрсатган йўналишлар ва изланаѐтган объектга бирор аниқ жойдан бориш 
йўллари тўғрисидаги маълумотлар киритилиши лозим. 
Олдинги
 таҳрирга қаранг. 
Агар шахсни таниб олиш кўриб туришни истисно этадиган 
шароитларда ўтказилган бўлса, баѐнномага бу ҳақда тегишли ѐзув 
киритилиши керак. 
(131-модда Ўзбекистон Республикасининг 2019 йил 23 майдаги ЎРҚ-
542-сонли 
Қонунига 
асосан учинчи қисм билан тўлдирилган — Қонун 
ҳужжатлари маълумотлари миллий базаси, 24.05.2019 й., 03/19/542/3177-
сон) 
Таниб олиш учун фотосуратлар кўрсатилган бўлса, баѐнномага 
фотожадвал илова қилиниши лозим. 
Таниб олувчининг кўрсатувлари, шунингдек унга суриштирувчи, 
терговчи, суд, тарафлар ѐки бошқа шахслар томонидан берилган саволлар ва 
қайтарилган жавоблар ушбу Кодекснинг 
106-моддасида 
назарда тутилган 
қоидаларга риоя қилинган ҳолда баѐнномага ѐзиб борилади. 
15-боб. КЎРСАТУВЛАРНИ ҲОДИСА СОДИР БЎЛГАН ЖОЙДА 
ТЕКШИРИШ 
132-модда. Кўрсатувларни ҳодиса содир бўлган жойда текшириш 
учун асослар 
Суриштирувчи, терговчи, суд гумон қилинувчилар, айбланувчилар, 
судланувчилар, гувоҳлар ҳамда жабрланувчиларнинг кўрсатувларини 
текширилаѐтган ҳодиса содир бўлган жойда ҳолатларни қайта тиклаш йўли 
билан текшириб кўришга ҳақлидир. 
Кўрсатувларни ҳодиса содир бўлган жойда текширишдан мақсад: 
кўрсатувлари текширилаѐтган шахсга маълум, суриштирувчи, терговчи ва 
судга эса номаълум бўлган нарсалар, ҳужжатлар, излар ва белгиларни топиш; 
шахснинг тергов ѐки суд муҳокамаси давомида топилган нарсалар, 
ҳужжатлар, излар қаерда бўлганлигини кўрсатиб бериши; бир неча шахснинг 
айни бир ҳодиса тўғрисида берган кўрсатувларидаги ўхшашлик ва фарқларни 
аниқлаш учун ишда аҳамиятли бўлган жой ѐки йўналишни шахс кўрсатиб 
бериши; ҳолатларни қайта тиклаш ва ҳодиса содир бўлган жойдаги шароит 
билан қиѐслаш орқали кўрсатувларнинг тўғри ѐки нотўғрилигини 
аниқлашдан иборат. 

---

Кўрсатуви текширилаѐтган шахс ҳодиса содир бўлган жойда бир 
вақтнинг ўзида кўрсатиш, кўздан кечириш ѐки баъзи нарсаларни, 
ҳужжатларни, изларни олиш ѐхуд муайян ҳаракатларни намойиш қилиш 
орқали тушунтириш беради ѐки ўзининг аввал берган кўрсатувларига 
аниқлик киритади. 
Гумон қилинувчи, айбланувчи ѐки судланувчининг кўрсатувларини 
ҳодиса содир бўлган жойда текшириш натижалари, бу шахсларнинг муайян 
ҳодисалар ҳақида билганлари фақат уларнинг жиноят содир этишга 
дахлдорлигидан дарак берсагина, далил кучига эга бўлади.