Цитология эмбриология проф. Қ. Р. Тўхтаев таҳрири остида

ҲУЖАЙРА ЯДРОСИ 
Ядро
(юнонча karyon, лот. nucleus) термини 1833 йилда Броун 
тарафидан киритилган бўлиб, у ўсимлик ҳужайраларидаги шарсимон доимий 
тузилмаларни шу ном билан атаган. Ядро ҳамма эукариот ҳужайраларида 
бўлади. Ядро фақат сут эмизувчилар эритроцитларида бўлмайди, чунки улар 
дифференцировка вақтида ўз ядросини йўқотади. Ядронинг шакли ҳужайра 
шаклини қайтаради, лекин нотўғри формада ҳам бўлиши мумкин. Шарсимон, 
кубсимон ва кўп қиррали ҳужайраларда ядро юмалоқ шаклга эга. Призматик, 
цилиндрсимон, дуксимон ҳужайраларда ядро узун эллипсоид, ясси 
ҳужайраларда эса дуксимон бўлади. Нотўғри шаклдаги ядроларга баъзи бир 
лейкоцитларнинг ядроси мисол бўлади (тақасимон ва парраксимон). Ядро 
ҳужайрада асосан битта (бир ядроли ҳужайра) ѐки иккита (икки ядроли 
ҳужайра) бўлади. Кўп ядроли ҳужайралар ва симпластлар ҳам мавжуддир. 

---

91 
Ядронинг катталиги турлича бўлиб, 4 мкм дан (сперматозоид) 40 мкм гача 
(тухум ҳужайра) боради. Ядро ўлчами цитоплазма ўлчамига кўпинча тўғри 
пропорционал бўлади. Ядронинг ҳужайрада жойлашиши ҳар хил бўлиб, 
ҳужайранинг фаолияти ва шаклига боғлиқ бўлади. Без ҳужайраларида ядро 
ҳужайранинг базал қисмида жойлашиб, апикал қисми секрет билан банддир. 
Дифференциаллашмаган ҳужайрада ядро геометрик марказда жойлашади.
Ядро қуйидаги асосий структур компонентлардан иборат. 
1. 
Ядро қобиғи. 2. Хроматин структуралари 
(
хроматин, хромосома)
. 
3. 
Бир ёки бир неча ядроча. 
4. 
Кариоплазма 
(ядро шираси). 
Ядронинг асосий компоненти хромосомалар ДНК дан иборат бўлиб, 
ўзида генетик информацияни сақлайди. ДНК дан ташқари ҳужайра ядросида 
иРНК, рРНК ва транспорт тРНК ҳам бор. Ҳужайра ядроси таркибида яна 
гистон типидаги оқсиллар бўлиб, ДНК билан бирикмалар ҳосил қилади. 
Шунинг билан бирга ногистон типидаги оқсиллар ҳам мавжуд. Ядрода бир 
қанча ферментлар - АТФ-аза, гликолитик ферментлар бор, лекин оксидланиш 
ферментлари учрамайди.
Расм 2.12. Ядронинг схематик ва трансмиссион электрон микроскопда 
кўриниши. 
.