Луғат. Тузувчилар: Абулқосимов Ҳ. П., Абулқосимов М.Ҳ

Пул даромади
– қишлоқ хўжалик маҳсулотларини сотиш, 
иш бажариш ва хизмат кўрсатиш оқибатида олинадиган пул 
тушумларидир. 
 Пул маблағлари
- корхонанинг кассаси, банкдаги ҳисоб-
китоби, аккредетив, бошқа махсус счетлардаги, моддий 
жавобгар шахслардаги пул кўринишидаги маблағлар. 
Корхонанинг ортиқча пул маблағлари банкдаги счетларда 
сақланиши шарт. 
Пул массаси –
ҳар қандай мамлакат иқтисодиётида 
товарлар ва хизматлар айланишини таъминлайдиган, хусусий 
шахслар, 
институционал 
мулкдорлар 
(корхоналар, 

---

- 292 - 
бирлашмалар, ташкилотлар ва б.) ва давлат эгалик қиладиан 
нақд ва нақд пулсиз харид ҳамда тўлов воситалари 
мажмуидир.
 
Пул сиёсати 
бу давлат томонидан ўтказиладиган пул 
масаласидаги ўзгаришлардир. 
Пул тушумлари оқими
– тайёр маҳсулотларни сотиш, иш 
бажариш ва хизмат кўрсатиш натижасида ойлар, чораклар 
бўйича тушадиган пуллар суммаси. 
Пул эмиссияси
– амалдаги пул массасининг ортишига 
олиб келувчи пулларни муомалага чиқариш. 
Пул ялпи таклифи— 
иқтисодга ҳозирги вақтда хизмат 
қилиб турган пулларни умумий миқдори. Ўз ичига 
банкнотларни, муомаладаги танга пулларни, халқни банкдаги 
депозитлари ва бошқа қимматбаҳо қоғозлар. 
Пулга бўлган талаб - 
бу халқ ҳаётини ҳамма жабҳалари 
учун керакли ҳисобланган пул миқдоридир: яъни истеъмол 
учун, жамғариш учун, битимларни амалга ошириш учун, 
“жўшқинлик кун” учун ва ҳоказолар. У биргаликдаги 
истеъмолни функцияси фоиз ставкаси, операцияси ҳаражатлар 
ва бошқа ўзгарувчилар сифатида ифодаланади. 
Пулнинг келажакдаги қиймати
ҳозирги пайтда 
инвестиция қилинган пул маблағларининг белгиланган вақт 
ўтгандан сўнг маълум бир фоиз ставкасини ҳисобга олган 
ҳолда айланиши лозим бўлган миқдорини ифодалайди. 
Пулнинг келажакдаги қийматини аниқлаш ушбу қийматнинг 
ўсиш жараёни билан боғлиқ бўлиб, пулнинг бошланғич 
миқдорига фоиз суммасини (фоиз тўловларини) қўшиб бориш 
йўли билан босқичма-босқич катталаштиришни акс эттиради. 
Бу сумма фоиз ставкаси бўйича ҳисобланади. Инвестиция 
ҳисоб-китобларида бу ставка нафақат пул маблағлари 
қийматини ўстириш воситаси сифатида, балки янада кенг 
маънода – инвестиция операцияларининг даромадлилик 
даражасини ўлчаш учун ҳам фойдаланилади.