V. A. Kosteckiy MÁmleket hám huqíq tiykarlarí

Bunday pitim huqıqıy jaqtan durıs pa? Yaq bolsa, sebebin 
kórsetiń.
2-jaǵday.
M. 5 jasta. Ol súwret salıwǵa qızıǵadı hám shıraylı súwret-
ler soǵadı. Sırt elli turistler onıń súwretlerinen birin satıp alıw 
niyetin bildirdi hám bul másele menen oǵan múrájáát etti.
M. nıń ata-anası ne islewi kerek? 
3-jaǵday.
Siz  dostıńızǵa  5  mıń  suwmdı  10  kún  múddetke  qarızǵa 
berdińiz, biraq ol puldı qaytarıwdı qálemey atır.
Nızam boyınsha ne islew zárúr edi?
Tapsšrma. 
Tómendegi máselelerdi sheshiń:

---

63
14-§. MÚLK HUQÍQÍ HÁM BASQA MATERIALLÍQ HUQÍQLAR
MÚLK HUQÍQÍNÍŃ KONSTITUCÍYALÍQ TIYKARLARÍ
Átirapımızdaǵı  zatlar — qanday  da  bir  shaxs  iyelik  etetuǵın  yamasa 
paydalanatuǵın  predmetler,  buyımlar,  obyektlerdiń  hámmesi  múlk  dege-
ni.  Ózbekistan  Respublikası  Konstituciyasında  (36-statya)  hárbir  insan 
múlkke iyelik etiw huqıqı belgilengen.
Múlik huqıqı málim bir materiallıq baylıqlar fizikalıq yamasa yuridi-
kalıq táreplerge, mámleketke tiyisliligin bekkemleytuǵın hám qorǵaytuǵın 
huqıqıy normalar kompleksin óz ishine aladı.
1-tapsšrma. 
Ne  dep  oylaysšz,  neler  jeke  mal-múlkke  mšsal  bolšwš 
múmkin?
Múlkten «paydalanıw» «onnan paydalı qásiyetlerdi alıw» 
(hátiyje alıw, dáramat tabıw) degendi ańlatadı.
Mal-múlkke  «iyelik etiw»  bolsa:  onı  satıw,  almastırıw 
yamasa  sawǵa  etiw  huqıqına;  ózgertiw,  yaǵnıy  qásiyetlerin 
jaqsılaw yamasa tómenletiw huqıqına; mal-múlikti joq etiw 
huqıqına iye bolıw degendi bildiredi.
2-tapsšrma. 
1.  Dostıńızdan kompyuter mıshkasın alıp turdıńız. Endi 
siz usı buyımnıń iyesi esaplanasız ba?
2.  Siz  ofis  ashıw  ushın  málim  bir  múddetke  ijara  shárt-
namasın  dúzdińiz,  ámelde  bolsa  bunda  shańaraǵıńız 
benen  jasaw  ushın  paydalanıp  atırsız.  Bunday  islewge 
haqqıńız bar ma?
3.  Siz  firma  menen  paxta  teriw  kombaynların  ijaraǵa 
alıw  boyınsha  shártnama  dúzdińiz.  Waqtı  kelip  onı 
satıp jiberiwge qarar ettińiz. Buǵan haqqıńız bar ma?

---