V. A. Kosteckiy MÁmleket hám huqíq tiykarlarí

Xosh,  waqıyalar  bunday  juwmaqlanıwınıń  aldın  alıw  qay 
tárizde múmkin bolar edi? Kárxanaǵa jumısqa túser eken, A. 
qanday qátelerge jol qoydı?
Bilimińizdi sšnań! 
1.  Xızmetkerlerdiń máplerin qaysı shólkemler qorǵaydı?
2.  Miynet shártnamasına qanday shártler kirgiziliwi shárt?
3.  Miynet shártnaması qanday múddetke dúziledi?
4.  Xızmetkerlerdi  neshe  jastan  hám  qanday  shártlerde 
jumısqa qabıl etiw múmkin?
5.  Miynet  shártnamasına  qanday  qosımsha  shártler 
kirgiziliwi múmkin?

---

108
22-§. MIYNETTI QORǴAW
ERJETPEGENLERDI JUMÍSQA QABÍL ETIW  
ÓZGESHELIKLERI
Oqıwshılardıń  miynet  tárbiyası,  olardı  áste-aqırın  miynetke  tartıw 
maqsetinde  nızam  tárepinen  erjetpegenlerdi  jumısqa  jaylastırıwǵa  ruqsat 
etiledi.  Bunda  densawlıǵına  zıyan  jetkizbeytuǵın  hám  mekteptegi  oqıw 
procesine  kesent  bermeytuǵın  jeńil  miynetti  beriw  hám  de  ata-anasınan 
biriniń yaki olardıń ornın basıwshı shaxstıń ırazılıǵı, álbette, shárt esaplanadı. 
Sońǵı shártti sonıń menen túsindiriwge boladı, ata-anası óspirimdi jumısqa 
ornalastırıwdan    aldın  jumıs  sharayatları  menen  tanısıwları  hám  onıń 
densawlıǵına  qáwip  bolǵan  jaǵdayda,  kontraktti  dúziwden  bas  tartıwları 
kerek. Óspirimniń ózi turmıslıq tájiriybesi joqlıǵı sebepli bul jumıstıń bar 
bolǵan qolaysız sharayatlarına itibar bermewi múmkin.