Д. Т. Абдукаримов

Навларнинг қисқача тавсифи. Аридная. 
Ўзбекистон дончилик илмий 
текшириш институтининг (“Дон” илмий ишлаб чиқариш бирлашмаси)нинг 
селекцион нави. Ёввойи Бахмал беда нави х Милютин 1774 билан уч маротаба 
кайта чатиштириш йўли билан яратилган. Муаллифлар: Байгулов Д.П., Егоров 
Я.И., Данилов Н.А. 1981 йилдан Жиззах вилоятининнг лалмикор ерлари учун 
Давлат реестрига киритилган. 
Туркистон тур хилига мансуб, кўк экин беда навлари гуруҳига киради. 
Тупи тик турувчан. Шохланиши яхши. Поясининг бўйи 85 – 90 см, ўртача 
дагалликда, туксиз ѐки кам тукли. 
Барги ўртача катталикда, барглари тескари тухумсимон, юмшоқ, кам 
тукланган. Барглилиги юқори 50,0 – 55,0 %. Тўпгули – зич, шингил, 
цилиндрсимон. Гуллари тук ҳаворанг. Дуккаги ўртача спиралсимон, 2, 4, 5 
урамли. Дони ўртача катталикда, сариқ, дуккаксимон. 1000 донининг вазни 2,3 
г. Лалмикорликда об–ҳаво қулай келган йиллари яшил озиқа ҳосилдорлиги 
гектаридан 164,0 ц, хашаги – 50,0 – 54,0 ц. 
Баҳорда униб чиқиши яхши, ўримдан сўнг секин ўсади. Вегетация даври 
биринчи ўримгача 56–60 кун. Қишга ва қурғоқчиликка бардошли. Қуруқ 
моддасининг таркибида оқсил миқдори 17,2 %, клетчатка 34,0 %. Қишлоқ 
хўжалик касаллик ва ҳашаротларга чидамли. 
Бойгул. 
Ўзбекистон дончилик илмий текшириш институтининг (“Дон” 
илмий ишлаб чиқариш бирлашмаси)нинг селекцион нави. Хитой эртапишар х 
Словен маҳаллий навларини чатиштириш йўли билан яратилган. Муаллифлар: 

---

124 
Байгулов Д.П., Алиев Р.А., Данилов Н.А. 1995 йилдан Жиззах вилоятининнг 
лалмикор ерлари учун Давлат реестрига киритилган. 
Экма беда турига мансуб. Тупи ярим тик турувчан. Шохланиши ўртача. 
Поясининг бўйи 105 см гача, ўртача дагалликда, кам тукли. 
Барги тескари наштарсимон, юмшоқ, кам тукланган. Мумсимон доғ билан 
копланган. Барглилиги 40,0 %. Тўпгули – зич, калтацилиндрсимон шингил. 
Гулининг тожбарги ҳаворанг. Дуккаги ўртача спиралсимон, жигарранг, уруғи 
буйраксимон, тиник – сариқ рангли. 1000 донининг вазни 1,8 – 2,4 г. Қуруқ 
моддасининг ўртача ҳосилдорлиги гектаридан 57,1 центнерни ташкил қилади. 
Қуруқ моддасининг таркибида оқсил миқдори 18,4 %, клетчатка 34,0 %. 
Баҳорда тез ва яхши униб чиқади, ўримдан сўнг секин ўсади. Вегетация даври 
баҳорда униб чиқишидан биринчи ўримгача 86 кун. Нав қурғоқчиликка ва 
Совуққа бардошли. Қишлоқ хўжалик касалликлари ва ҳашаротлари билан 
зарарланмайди.