Mundarija I bob. Bitiruv malakaviy ishi

UNUTMANG. ........................................................................................................ 13
 
VII BOB. FOYDALANILGAN ADABIYOTLAR HAMDA HAVOLALARNI 
KELTIRISH. ......................................................................................................... 13
 
 
 

---

3 
I bob. Bitiruv malakaviy ishi 
1.1
 
Talaba nima uchun Bitiruv Malakaviy Ishini yozishi kerak? 
Dastavval, Bitiruv malakaviy ishi nimaligiga to’xtalib o’tsak. U quyidagi uch 
belgini o’zida mujassamlashtiradi. 
Keling Bitiruv Malakaviy Ishi nima ekanligini oddiy referat yoki mustaqil ish 
bilan solishtirish orqali o’rganamiz. Bitiruv Malakaviy Ishi (bundan keyin BMI) hali 
yechimini topmagan muammoni o’z ichiga olishi zaruriy shartdir. Referat yoki 
mustaqil ish ham yechilmagan muammoni o’z ichiga olishi mumkin. Lekin, uning 
bo’lishi zaruriy shart hisoblanmaydi va ularga nisbatan talaba tomonidan taklif yoki 
tavsiya berilishi talab qilinmaydi. 
Shuningdek, BMI ko’pchilik yoki jamiyat uchun muhim bo’lgan va uning 
yechimi ko’pchilik tomonidan umid qilinayotgan masala bo’lishi kerak. Masalan: 
Sizning sevgan qizingiz bor lekin uning ota-onasi qarshi bo’lganligi uchun siz u 
bilan turmush qura olmayapsiz. Albatta bu siz uchun juda katta muammo, biroq bu 
qolganlarning ham muammosi deb ayta olmaysiz. Aksincha yoshlar orasida 
nikohning yoki ajralishlarning ko’payib borayotgani esa jamiyat muammosi bo’lib, 
hamma uchun birdek muhimdir. Shuning sababli, barcha uchun muhim va qiziq 
mavzuda BMI yozish maqsadga muvofiqdir. Lekin, bu degani hozirgi kunda dolzarb 
deb o’ylayotgan masalalarnigina yozish kerak degani ham emas. Chunki, ko’pchilik 
tomonidan e’tibor berilmayotgan ammo dolzarb bo’lgan masalalar ham mavjud. 
BMIda ko’tarilgan muammolar yuzasidan taklif yoki tavsiyalarning mavjud 
ekanligi muhim shartlardan biridir. Albatta muammo yuzasidan beriladigan taklif 
yoki tavsiya barcha muammolarni qamrab olishi shart emas va ular muammolar 
yechimi uchun asos sifatida xizmat qiluvchi tavsiyalar bo’lishi ham mumkin. Lekin 
talabalar bir narsani unutmasliklari lozimki, hech qanday taklif yoki tavsiyasiz BMI 
yozish va uni ko’pchilik oldida himoya qilishdan umuman ma’no ham yo’q.