Menejmentga kirish

Hamjihatlikda ishlashning ijobiy va salbiy tomonlari 
Ijobiy tomonlar 
Salbiy tomonlar 

kommunikatsiya va koordinatsiyaning 
kuchayishi; 

innovatsiyaning oʻsishi; 

kompleks muammolarni yechish uchun 
imkoniyatning ortishi; 

ma’lumotlar va eng yaxshi amaliy ishlar 
bilan boʻlishish. 

Shaxslar 
oʻrtasida 
nizoning 
yuzaga kelishi ehtimoli; 

turli xil qarashlar va maqsadlar 
oʻrtasidagi raqobat; 

koordinatsiya logistikasi 
Manba: R.Vagner va G.Myullerning “Hamkorlikning choʻqqisi” nomli maqolasiga asoslangan, Gallup Management 
Journal Online [http://gmj.gallup.com], 18-fevral, 2010-yil; M.T.Xansen, “Ichki hamkorlikning kompaniya uchun 
salbiy tomonlari”, Harvard Business Review, 2009-yil aprel, 83-88-sahifalar; G.Axudja, “Hamkorlik tarmoqlari, 
strukturav va innovatsiya: uzoq muddatli izlanish”, Academy of Management Proceedings Online, 1998; va 
M.Pincher, “Hamkorlik: Birlikdagi yangi kuch”, Computer Weekly, 27-noyabr, 2007, 18-sahifa. 
Turli funktsiyali jamoalar. 
Tashkilotlar bunday boshqaruv metodini 
tanlashining asosiy sababi ular buni an’anaviy boshqaruv boʻlimlari yoki 
muntazam ishlovchi guruhlarga qaraganda, yangiliklarga tezroq moslashuvchan 
deb hisoblashadi. Bunday jamoalarning asosiy xususiyati ular tezlik bilan 
yigʻilishi, e’tiborini yangi loyihaga qaratishi va yana tarqalishi ham mumkin. 10-
bobda, biz turli funktsiyali jamoalarni boʻlimlarga boʻlishning turli shakllari 
sifatida muhokama qilgan edik. Shuni yodda tutingki, jamoalar turli 
mutaxassisliklarga ega boʻlgan shaxslardan iborat boʻladi. Turli funktsiyali 
guruhlar shakllanganda esa jamoa a’zolari ularning funktsional sohalariga ta’sir 
qiluvchi umumiy muammolarni echish uchun birikishadi. Nazariy jihatdan, 
ularning funktsiyalarini ajratib turuvchi sun’iy toʻsiqlar gʻoyib boʻladi va jamoa 
tashkilotning maqsadiga erishish uchun birga ishlashadi. Masalan, dunyoning eng 
yirik poʻlat ishlab chiqarish kompaniyasi – ArcelorMittal kompaniyasida, turli 
funktsiyali tadqiqotchilar, menejerlar va sotuvchilarning jamoasi mahsulot 
innovatsiyasini tahlil qilishadi. Turli funktsiyali jamoalar kontseptsiyasi sogʻliqni 
saqlash sohalarida ham qoʻllanilmoqda. Masalan, Merilend shtatining Betesda 
shahridagi gospitalda doktor, farmatsist, ijtimoiy ishchi, oziqlantiruvchi, bosh 
hamshira, terapevt va ruhoniydan iborat intensiv parvarish jamoasi ham kuni 
bemorning holatini muhokama qilishadi. Gospital bu orqali xatoliklarni 
kamaytiradi, bemorlarning gospitalda qolish vaqtini qisqartiradi va bemorlarning 
oilasi va gospital hodimlari oʻrtasidagi aloqani kuchaytiradi. Biz bunday 
jamoalarni 13-bobda yanada chuqurroq muhokama qilamiz. 
Janubiy Koreyaning Samsung Electronics kompaniyasi dunyoda uch 
oʻlchamli LED televizorlarini ishlab chiqargan eng birinchi kompaniya boʻldilar. 
Samsung kompaniyasining muvaffaqiyatlarida innovatsiya juda ham muhim oʻrin 
egallagani uchun, kompaniya oʻz ichida ishchilar oʻrtasida ichki hamkorlikni, oʻz 
mijozlari bilan esa tashqi hamkorlikni yoʻlga qoʻyishga chaqiradi. Dunyoning 42 
davlatida joylashgan tadqiqotchilik markazlari yangi texnologiyalar ustida 

---

117 
hamkorlik qilishadi. Oʻzining ichida esa 
kompaniya 
mahsulotlarni 
tezroq 
ishlab 
chiqish uchun kesishuvchan funktsional 
jamoalardan foydalanadi.