O’zbekiston respublikasining soliq kodeksi I bo’lim. Umumiy qoidalar

136-modda. Organlar, muassasalar va tashkilotlarning soliq 
organlariga ma’lumotlar taqdim etish majburiyatlari 
 
Tadbirkorlik sub’ektlari bo’lgan yuridik va jismoniy shaxslarni davlat 
ro’yxatidan o’tkazishni amalga oshiruvchi organlar ro’yxatdan o’tkazilgan joydagi 
soliq organiga ushbu shaxslar davlat ro’yxatidan o’tkazilgan kundan e’tiboran o’n 
kundan kechirtirmay tegishli yuridik shaxslarning davlat reestridan ko’chirmani, 
rahbar (rahbar vazifalarini bajaruvchi shaxs) to’g’risidagi ma’lumotlarni, jismoniy 
shaxsning shaxsiy identifikatsiya raqamini va uning pasportiga doir ma’lumotlarni 

---

137 
topshirishi shart. Mazkur organlar soliq organiga davlat reestriga kiritilgan va 
tegishli shaxslarga taalluqli bo’lgan har qanday o’zgartishlar to’g’risida ham bunday 
o’zgartishlar kiritilgan kundan e’tiboran uch kundan kechiktirmay ma’lum qilishi 
shart. 
Ichki ishlar organlari pasportlar berilganligi, shu jumladan yo’qotilgan yoki 
amal qilish muddati o’tgan pasportlar o’rniga pasportlar berilganligi faktlari haqida, 
bekor qilingan pasportlar to’g’risida o’zlari joylashgan erdagi soliq organlariga har 
oyda ma’lum qilishi shart. 
Jismoniy shaxslarning fuqarolik holati dalolatnomalarini ro’yxatdan 
o’tkazishni amalga oshiruvchi organlar jismoniy shaxslarning tug’ilganligi va vafot 
etganligi faktlari to’g’risidagi faktlarni, nikoh tuzilganligi, nikoh bekor qilinganligi, 
otalik belgilanganligi haqidagi faktlarni ma’lum qilishi shart.
Vasiylik va homiylik organlari vasiylik va homiylik belgilanganligi hamda 
tugatilganligi faktlari to’g’risida ma’lum qilishi shart. 
Kadastr hisobini, ko’chmas mol-mulk davlat kadastri yuritilishini hamda 
ko’chmas mol-mulkka bo’lgan huquqlarni va ularga doir bitimlarni davlat 
ro’yxatidan o’tkazishni amalga oshiruvchi organlar o’z tasarrufidagi hududda 
joylashgan ko’chmas mol-mulk, unga doir huquqlar va bitimlar hamda ularning 
egalari to’g’risidagi ma’lumotlarni ma’lum qilishi shart. 
Tabiiy resurslardan foydalanuvchilarni hisobga olishni va (yoki) ularni 
ro’yxatdan o’tkazishni, shuningdek ushbu resurslardan foydalanish bilan bog’liq 
faoliyatni litsenziyalashni amalga oshiruvchi organlar tabiatdan foydalanuvchi 
tegishli tarzda ro’yxatdan o’tkazilgan (tegishli litsenziya, ruxsatnoma berilgan) 
kundan e’tiboran o’n kun ichida soliq solish ob’ektlari bo’lgan bunday resurslardan 
foydalanishga doir huquqlar taqdim etilganligi to’g’risida ma’lum qilishi shart. 
Suv resurslarini hisobga olishni amalga oshiruvchi organlar suvdan foydalanish 
yoki suvni iste’mol qilish joyidagi soliq organlariga o’tgan yil yakunlari bo’yicha 
o’lchov asboblarisiz foydalanilgan suv hajmlari to’g’risida 1 fevraldan kechiktirmay 
xabar qilishi shart. 
O’zbekiston Respublikasi hududida O’zbekiston Respublikasi fuqarosining 
shaxsini tasdiqlovchi hujjatlarni berishni va almashtirishni amalga oshiruvchi 
organlar fuqaroning yashash joyidagi soliq organiga: 
1)
O’zbekiston Respublikasi hududida O’zbekiston Respublikasi fuqarosining 
shaxsini tasdiqlovchi hujjat dastlabki tarzda berilganligi yoki almashtirilganligi 
hamda yangi hujjat berilgan kundan e’tiboran besh kun ichida yangidan berilgan 
hujjatdagi shaxsga doir ma’lumotlar o’zgartirilganligi to’g’risidagi; 
2)
fuqaro tomonidan ushbu organlarga O’zbekiston Respublikasi hududida 
O’zbekiston Respublikasi fuqarosining shaxsini tasdiqlovchi hujjat yo’qotilganligi 
to’g’risidagi ariza u berilgan kundan e’tiboran uch kun ichida berilganligi faktlari 
to’g’risidagi faktlarni ma’lum qilishi shart. 
Litsenziyalar va (yoki) boshqa ruxsat etuvchi hujjatlar beradigan organlar 
mazkur hujjatlar berilgan shaxslar joylashgan erdagi soliq organiga shunday 
hujjatlar berilganligi, bekor qilinganligi, to’xtatib turilganligi yoki ularning amal 

---

138 
qilishi tugatilganligi to’g’risida tegishli hodisa ro’y bergan kundan e’tibor o’n kun 
ichida ma’lum qilishi shart. 
Chet 
ellik 
yuridik 
shaxslarning 
filiallarini 
va 
vakolatxonalarini 
akkreditatsiyadan o’tkazishni amalga oshiruvchi organlar hamda tashkilotlar chet 
ellik yuridik shaxslarning filiallari va vakolatxonalari akkreditatsiyadan 
o’tkazilganligi (akkreditatsiyadan mahrum etilganligi) to’g’risidagi ma’lumotlarni 
xabar qilishi shart. 
Xalqaro tashkilotlarning hamda chet el notijorat nohukumat tashkilotlarining 
filiallari va vakolatxonalari reestrini yuritish vakolatiga ega bo’lgan organ mazkur 
reestrga kiritilgan tegishli o’zgartish (reestrga kiritiladigan o’zgartishlar) 
to’g’risidagi ma’lumotlarni akkreditatsiyadan o’tkazilgan (akkreditatsiyadan 
mahrum etilgan) yoki mazkur reestrga ma’lumotlar (o’zgartishlar) kiritilgan kundan 
e’tiboran o’n kun ichida xabar qilishi shart. 
Vasiylik va homiylik organlari vasiylik, homiylik hamda mol-mulk 
mulkdorlari (egalari) bo’lgan jismoniy shaxslarga nisbatan mol-molk boshqaruvi 
belgilanganligi to’g’risida, shu jumladan mol-mulk mulkdori (egasi) bo’lgan farzand 
tutingan oilaga topshirilganligi haqida, shu jumladan mazkur vasiylik, homiylik va 
mol-mulk boshqaruvi bilan bog’liq keyingi o’zgartishlar to’g’risida tegishli qaror 
qabul qilingan kundan e’tiboran o’n kun ichida o’zlari joylashgan erdagi soliq 
organlariga ma’lum qilishi shart. 
Notarial harakatlarni amalga oshirishiga vakolatli bo’lgan organlar 
(muassasalar) merosga egalik qilish huquqi to’g’risidagi guvohnomalar berilganligi 
va hadya etish shartnomalari notarial tarzda tasdiqlanganligi haqida ma’lum qilishi 
shart. Bunda hadya etish shartnomalari tasdiqlanganligi to’g’risida taqdim 
etilayotgan axborot, agar ushbu Kodeksda boshqacha qoida nazarda tutilmagan 
bo’lsa, tegishli notarial tarzda tasdiqlash kunidan e’tiboran besh kundan 
kechiktirmay hadya qiluvchi va hadya oluvchi shaxs o’rtasidagi qarindoshlik 
darajasi to’g’risidagi ma’lumotlarni o’z ichiga olishi kerak. 
Chet ellik fuqarolarga yoki fuqaroligi bo’lmagan shaxslarga ishlash uchun 
ruxsatnomalar yoki patentlar berilishini amalga oshiruvchi organlar chet ellik 
fuqarolar yoxud fuqaroligi bo’lmagan shaxslar turgan joyi bo’yicha migratsiya 
hisobiga qo’yilganligi to’g’risidagi ma’lumotlarni xabar qilish shart. Bunday 
ma’lumotlar soliq organlarida hisobda turmagan va o’ziga nisbatan ishlash uchun 
ruxsatnomani yoki patentni rasmiylashtirish uchun hujjatlar ko’rib chiqishga qabul 
qilingan chet ellik fuqarolar hamda fuqaroligi bo’lmagan shaxslarga nisbatan taqdim 
etiladi. Mazkur organlar ko’rsatilgan hujjatlar qabul qilingan kundan keyingi kundan 
kechiktirmay ushbu ma’lumotlarni o’zlari joylashgan erdagi soliq organlariga xabar 
qiladi. 
O’zbekiston Respublikasining diplomatik vakolatxonalari va konsullik 
muassasalari chet elda vaqtincha turgan, yashash joyi (turgan joyi) bo’yicha 
O’zbekiston Respublikasida ro’yxatga olingan jismoniy shaxslarning qayd etilgan
tug’ilganligi va vafot etganligi, nikohi tuzilganligi, nikohi bekor qilinganligi, otaligi 
belgilanganligi, vasiyligi va homiyligi belgilanganligi hamda tugatilganligi faktlari 
to’g’risida ma’lum qilishi shart, ushbu ma’lumotlar mazkur faktlar qayd etilgandan 

---

139 
keyin uch oy ichida O’zbekiston Respublikasi Tashqi ishlar vazirligi joylashgan 
erdagi soliq organiga xabar qilinadi. 
Qimmatli qog’ozlarning markaziy depozitariysi har oyda, hisobot oyidan 
keyingi oyning 10-kunidan kechirtirmay O’zbekiston Respublikasi Davlat soliq 
qo’mitasiga o’zi va investitsiya vositachilari tomonidan ro’yxatga olingan 
aktsiyalarga doir bitimlar to’g’risidagi axborotni taqdim etishi shart. 
Ichki ishlar organlari turar joyni ijaraga berish shartnomasi, tekin foydalanishga 
berishga shartnomasi mavjud emasligining yoki soliq organlarida ijaraga berish 
shartnomasining majburiy hisobga qo’yilishiga rioya etilmaganligining aniqlangan 
faktlari to’g’risida o’zlari joylashgan erdagi soliq organlariga uch kun ichida ma’lum 
qilishi shart. 
Bojxona organlari har oyda soliq organlariga: 
1)
eksport-import operatsiyalari to’g’risidagi, shuningdek tovarlarni olib 
o’tish, shu jumladan O’zbekiston Respublikasining bojxona chegarasi orqali 
elektron tijorat shaklida amalga oshirilgan tovarlarni olib o’tish haqidagi; 
2)
O’zbekiston Respublikasi norezidentlari tomonidan O’zbekiston 
Respublikasining bojxona omborlarida tovarlar saqlanayotganligi faktlari 
to’g’risidagi axborotni taqdim etishi shart. 
Banklar har oyda davlat soliq xizmati organlariga: 
1)
O’zbekiston 
Respublikasi 
rezidentlari 
tomonidan 
O’zbekiston 
Respublikasi norezidentlari foydasiga to’lovlar amalga oshirilganligi to’g’risidagi; 
2)
chet ellik yuridik shaxsdan O’zbekiston Respublikasi rezidenti bo’lgan 
jismoniy shaxsning hisobvaraqlariga pul mablag’lari tushganligi haqidagi axborotni 
taqdim etishi shart. 
Internet jahon axborot tarmog’i milliy segmentining domen nomlari tizimini 
belgilovchi organ tegishli ma’lumotlar bazasiga ulanish uchun dasturiy vositalarni 
taqdim etish orqali soliq organlariga domen nomlari administratorlari to’g’risidagi 
axborotdan foydalanish imkoniyatini taqdim etadi. 
Soliq organlariga ushbu moddada nazarda tutilgan, qog’ozda yoki elektron 
shaklda taqdim etiladigan ma’lumotlarning shakllari, shuningdek shakllarni 
to’ldirish tartibi O’zbekiston Respublikasi davlat soliq qo’mitasi tomonidan 
tasdiqlanadi.
Soliq organlariga ma’lumotlarni elektron shaklda taqdim etish tartibi
hamkorlik qiluvchi taraflarning kelishuvi bilan belgilanadi. 
Ushbu moddada ko’rsatilgan ma’lumotlar soliq organlariga bepul taqdim 
etiladi. 
Ushbu moddada nazarda tutilgan ma’lumotlar ham notarial harakatlarni amalga 
oshirishga vakolatli ega bo’lgan, ushbu moddada ko’rsatib o’tilgan organlar, 
muassasalar, tashkilotlar yoki mansabdor shaxslar tomonidan so’rov olingan kundan 
e’tiboran besh kun ichida, ularning so’rovlariga ko’ra soliq organlariga taqdim 
etiladi.