O’zbekiston respublikasining soliq kodeksi I bo’lim. Umumiy qoidalar

127-modda. Soliq qarzini soliq to’lovchilar 
konsolidatsiyalashgan guruhi ishtirokchilarining boshqa mol-
mulki hisobidan undirish 
 
Soliq to’lovchilarning konsolidatsiyalashgan guruhiga doir foyda solig’i 
bo’yicha soliq qarzini shu konsolidatsiyalashgan guruh ishtirokchilarining boshqa 
mol-mulki hisobidan undirish chog’ida mazkur Kodeks 126-moddasining qoidalari 
ushbu moddada nazarda tutilgan xususiyatlarni hisobga olgan holda qo’llaniladi. 
Soliqni soliq to’lovchilar konsolidatsiyalashgan guruhi ishtirokchilarining mol-
mulki hisobidan undirish, birinchi navbatda ushbu konsolidatsiyalashgan guruh 
mas’ul ishtirokchisining mazkur Kodeksning 125-moddasiga muvofiq undiruvga 
qaratilmagan naqd pul mablag’lari va banklardagi pul mablag’lari hisobidan amalga 
oshiriladi. 
Soliq to’lovchilar konsolidatsiyalashgan guruhining mas’ul ishtirokchisida 
ushbu Kodeksning 125-moddasiga muvofiq undiruvga qaratilmagan naqd pul 
mablag’lari va banklardagi pul mablag’lari etarli bo’lmagan yoki bo’lmagan 
taqdirda, soliqni undirish ushbu guruhning boshqa a’zolaridan ularning naqd pul 
mablag’lari hamda banklardagi pul mablag’lari hisobidan amalga oshiriladi. 
Soliq to’lovchilar konsolidatsiyalashgan guruhi ishtirokchilarida ushbu 
Kodeksning 125-moddasiga muvofiq undiruvga qaratilmagan naqd pul mablag’lari 
va banklardagi pul mablag’lari etarli bo’lmagan yoki bo’lmagan taqdirda soliqni 
undirish ushbu guruh mas’ul ishtirokchisining boshqa mol-mulki hisobidan amalga 
oshiriladi. Bunday undiruv mazkur Kodeks 126-moddasi to’rtinchi qismining 2–6-
bandlarida belgilangan ketma-ketlikda amalga oshiriladi. 
Soliq to’lovchilar konsolidatsiyalashgan guruhi mas’ul ishtirokchisining mol-
mulki etarli bo’lmaganda soliqni undirish mazkur Kodeks 126-moddasi to’rtinchi 
qismining 2–6-bandlarida belgilangan ketma-ketlikda ushbu guruh boshqa 
ishtirokchilarining o’zga mol-mulki hisobidan amalga oshiriladi. 
Soliq organi soliq to’lovchilar to’g’risidagi o’zida mavjud axborot asosida 
boshqa mol-mulki hisobidan soliq qarzini undirish amalga oshiriladigan soliq 
to’lovchilar konsolidatsiyalashgan guruhi ishtirokchilarining tarkibini hamda 
avvalgi ishtirokchilarning mol-mulki etarli bo’lmagan holda ushbu ishtirokchilardan 
bunday undiruv ketma-ketligini mustaqil tarzda belgilaydi. 
Soliq to’lovchilar konsolidatsiyalashgan guruhining o’ziga nisbatan soliq 
qarzini boshqa mol-mulk hisobidan undirish to’g’risida qaror chiqarilgan 
ishtirokchilariga soliq to’lovchilar uchun mazkur Kodeksda nazarda tutilgan huquq 
va kafolatlar tatbiq etiladi.