O’zbekiston respublikasining soliq kodeksi I bo’lim. Umumiy qoidalar

121-modda. Soliq qarzini uzish to’g’risidagi 
talabnomani o’zgartirish 
 
Agar soliq qarzini uzish to’g’risidagi talabnoma soliq to’lovchiga 
yuborilgandan keyin ushbu talabnomada ko’rsatilgan soliqlar bo’yicha qarz 
summasi, penyalar yoki soliq to’g’risidagi qonun hujjatlarini buzganlik uchun 
jarimalar summasi o’zgargan taqdirda, soliq organi ushbu soliq to’lovchiga soliq 
qarzini uzish to’g’risidagi aniqlashtirilgan talabnomani yuborishi yoxud ilgari 
yuborilgan talabnomani chaqirib olishi shart. 
Soliq qarzini uzish to’g’risidagi aniqlashtirilgan talabnoma yoki ilgari 
yuborilgan talabnomaga doir chaqiruv xati soliq to’lovchiga ushbu moddaning 
birinchi qismida ko’rsatilgan o’zgartirishlarga olib kelgan holatlar aniqlangan 
kundan e’tiboran uch kun ichida yuboriladi.
Agar soliq to’lovchining, soliq agentining yoki yig’imlarni to’lovchining 
soliqni to’lash yoxud yig’imni to’lash bo’yicha majburiyati soliqni, yig’imni, 
penyalarni va jarimani to’lashga doir talabnoma yuborilganidan keyin o’zgargan 
bo’lsa, soliq organi mazkur shaxslarga aniqlashtirilgan (qo’shimcha) talabnoma 
yuborishi shart. 
122-modda. Soliq qarzini uzish to’g’risidagi 
talabnomani bajarish 
 
Soliq qarzini uzish to’g’risidagi talabnoma yuridik shaxs, shuningdek 
tadbirkorlik faoliyatiga doir qismi bo’yicha yakka tartibdagi tadbirkor tomonidan 
olingan kundan e’tiboran o’ttiz kun ichida soliq qarzi to’lanmagan taqdirda va agar 
ushbu Kodeksning 123 – 125-moddalarida nazarda tutilgan choralarni qo’llash 
natijasida uch million so’mdan ortiq summadagi soliq qarzi to’lanmay qolaversa, 
soliq organlari undiruvni ushbu Kodeksning 126 – 127-moddalarida belgilangan 
tartibda soliq to’lovchining mol-mulkiga qaratadi. 
Soliq qarzining summasi uch million so’mdan oz bo’lgan, lekin to’lash muddati 
o’tganidan keyin bir yil ichida to’lanmagan bo’lsa ham ushbu moddaning birinchi 
qismida belgilangan undiruvni soliq to’lovchining mol-mulkiga qaratish 
qo’llaniladi. 

---

121