O’zbekiston respublikasining soliq kodeksi I bo’lim. Umumiy qoidalar

102-modda. Soliqlarni to’lash muddatlarini o’zgartirish
to’g’risida qaror qabul qilishga vakolatli organlar 
 

---

98 
Quyidagilar soliqlarni to’lash muddatlarini o’zgartirish to’g’risida qarorlar 
qabul qilish vakolatiga kiradigan organlardir (bundan buyon matnda vakolatli 
organlar deb yuritiladi): 
1) ushbu Kodeks 18-moddasining birinchi qismi 1–5 va 9-bandlarida 
ko’rsatilgan soliqlar bo’yicha – O’zbekiston Respublikasi Davlat soliq qo’mitasi 
(ushbu moddaning ushbu qismi 3-bandida va ikkinchi qismida nazarda tutilgan 
hollar bundan mustasno); 
2) ushbu Kodeks 18-moddasi birinchi qismining 6–8-bandlarida ko’rsatilgan 
soliqlar bo’yicha, aylanmadan olinadigan soliq bo’yicha – bunday soliqlarni to’lash 
muddatlari O’zbekiston Respublikasi Vazirlar Mahkamasi tomonidan belgilangan 
tartibda mahalliy davlat hokimiyati organlari tomonidan o’zgartiriladi. Bunday 
soliqlarga nisbatan kechiktirish yoki bo’lib-bo’lib to’lash imkoniyati ikki yilgacha 
muddatga berilishi mumkin; 
3) O’zbekiston Respublikasining bojxona chegarasi orqali tovarlar olib o’tilishi 
munosabati bilan to’lanishi lozim bo’lgan soliqlar bo’yicha – bojxona to’g’risidagi 
qonun hujjatlarida belgilangan tartibda bojxona organlari (bundan ushbu moddaning 
uchinchi qismida nazarda tutilgan hollar mustasno). 
Agar O’zbekiston Respublikasining byudjet to’g’risidagi qonun hujjatlariga 
muvofiq ayrim soliqlar yoki yig’imlar mahalliy byudjetlarga o’tkazilsa, bunday 
soliqlar yoki yig’imlarni to’lash muddatlari bunga vakolatli bo’lgan organlar 
tomonidan o’zgartiriladi. Bunday soliqlarga nisbatan kechiktirish yoki bo’lib-bo’lib 
to’lash imkoniyati ikki yilgacha muddatga berilishi mumkin. 
O’zbekiston Respublikasi Vazirlar Mahkamasi soliq to’lovchiga ushbu 
Kodeksning 18-moddasida ko’rsatilgan har qanday soliq bo’yicha, hududiy moliya 
organlari bilan kelishmagan holda, kechiktirish yoki bo’lib-bo’lib to’lash 
imkoniyatini uch yilgacha muddatga berishga haqli. O’zbekiston Respublikasi 
Vazirlar Mahkamasi kechiktirish yoki bo’lib-bo’lib to’lash imkoniyatini berishda 
ushbu Kodeks 101-moddasining birinchi qismida belgilangan cheklovlardan chetga 
chiqishga haqli.