O’zbekiston respublikasining soliq kodeksi I bo’lim. Umumiy qoidalar

 
449 - modda. Coliq stavkasi 
 
Jismoniy shaxslardan olinadigan er solig’i stavkalari 1 kv.m uchun mutlaq 
miqdorlarda belgilanadi. Jismoniy shaxslardan olinadigan er solig’i stavkalarining 
aniq miqdori qonunchilik asosida o’rnatiladi. 
Hududlarning va soliq to’lovchi faoliyatining xususiyatlarini hisobga olgan 
holda Qoraqalpog’iston Respublikasi Jo’qorg’i Kengesi, viloyatlar va Toshkent 
shahar Xalq deputatlari kengashlari jismoniy shaxslardan olinadigan er solig’i 
stavkalariga 0,7 dan 1,3 gacha bo’lgan oraliqdagi kamaytiruvchi va oshiruvchi 
koeffitsientlar belgilash huquqiga ega. 
Tadbirkorlik faoliyatida foydalaniladigan er uchastkalari uchun yoxud uylar, 
dala hovli imoratlari, yakka tartibdagi garajlar va boshqa imoratlar, inshootlar, joylar 
yuridik shaxsga yoki yakka tartibdagi tadbirkorga ijaraga berilganda, shuningdek 
jismoniy shaxslarning mulkida bo’lgan, yashash uchun mo’ljallanmagan joylar 
egallagan er uchastkalari uchun jismoniy shaxslardan er solig’i yuridik shaxslardan 
olinadigan er solig’ini to’lash uchun belgilangan stavkalar bo’yicha undiriladi 
hamda ushbu Kodeksning 448 - moddasida ko’rsatilgan imtiyozlar ularga nisbatan 
tatbiq etilmaydi, bundan ushbu moddaning ikkinchi qismida nazarda tutilgan hollar 
mustasno. 
Bo’sh turgan binolar, foydalanilmayotgan ishlab chiqarish maydonlari, 
yashash uchun mo’ljallanmagan inshootlar hamda muddatida tugatilmagan qurilish 
ob’ektlari joylashgan er maydonlari bo’yicha jismoniy shaxslardan olinadigan er 
solig’i ushbu maydonlardan samarasiz foydalanilayotganligi yuzasidan qonun 
hujjatlarida belgilangan tartibda chiqarilgan xulosa asosida, yuridik shaxslar uchun 
belgilangan oshirilgan stavkalar bo’yicha to’lanadi. 
Jismoniy shaxs yoki oilaviy korxona er uchastkasidan unda joylashgan uyda 
istiqomat qilish bilan bir vaqtda tovarlar ishlab chiqarish (ishlar bajarish, xizmatlar 
ko’rsatish) uchun foydalangan taqdirda, er solig’i jismoniy shaxslar uchun 
belgilangan stavka bo’yicha to’lanadi. 
Yakka tartibda uy - joy qurish va uylarni obodonlashtirish uchun berilgan er 
uchastkalarining tomorqa qismiga qishloq xo’jaligi ekinlarini ekish yoki uni 
obodonlashtirish amalga oshirilmagan taqdirda er solig’i qonun hujjatlarida 
belgilangan tartibda uch baravar miqdorda to’lanadi.