O’zbekiston respublikasining soliq kodeksi I bo’lim. Umumiy qoidalar

 
408-modda. Jismoniy shaxsning jami yillik daromadi to’g’risidagi 
deklaratsiya 

---

387 
Jismoniy shaxsning jami yillik daromadi to’g’risidagi deklaratsiya soliq 
to’lovchining olingan yillik daromadi to’g’risidagi yozma arizasidan iborat bo’ladi. 
Jismoniy shaxsning jami yillik daromadi to’g’risidagi deklaratsiyaga to’langan 
daromadlar va soliqning ushlab qolingan summalari to’g’risida O’zbekiston 
Respublikasi Davlat soliq qo’mitasi va O’zbekiston Respublikasi Moliya vazirligi 
tomonidan tasdiqlangan shakldagi ma’lumotnoma ilova qilinadi. 
Jismoniy shaxslarning jami yillik daromadi to’g’risidagi deklaratsiyaning 
shakli O’zbekiston Respublikasi Davlat soliq qo’mitasi va O’zbekiston Respublikasi 
Moliya vazirligi tomonidan tasdiqlanadi. 
Soliq organi tomonidan jismoniy shaxs taqdim etgan jami yillik daromadi 
to’g’risidagi deklaratsiyada to’lanishi lozim bo’lgan soliq summasining 
kamayishiga olib keluvchi xatolar aniqlangan taqdirda soliq organi yillik jami 
daromadlar haqida taqdim qilgan deklaratsiyada aniqlangan xatolar to’g’risida soliq 
to’lovchiga xabarnoma yuboradi. 
Soliq organining tegishli xabarnomasini olgan jismoniy shaxs 10 kun ichida yillik jami 
daromadlari to’g’risidagi deklaratsiyaga zarur bo’lgan o’zgartirishlarni kiritishi shart. 
Agar jismoniy shaxsning jami yillik daromadi to’g’risidagi deklaratsiyani o’zgartirish haqidagi 
ariza soliqni to’lash muddati o’tguniga qadar berilsa, soliq to’lovchi ushbu Kodeksda belgilangan 
javobgarlikdan ozod qilinadi. 
Agar jismoniy shaxsning jami yillik daromadi to’g’risidagi deklaratsiyani o’zgartirish haqidagi 
ariza soliqni to’lash muddati o’tganidan keyin, biroq xatolar soliq organi tomonidan aniqlanguniga 
qadar berilsa, soliq to’lovchi soliqning etishmayotgan summasini hamda unga tegishli penyani 
to’lagan taqdirda, javobgarlikdan ozod etiladi. 
Jismoniy shaxs soliq organining taqdim etilgan jismoniy shaxsning jami yillik daromadi 
to’g’risidagi deklaratsiyada aniqlangan xatolik to’g’risidagi bildirishnomasini olgan kun davlat soliq 
xizmati organi tomonidan xatolik aniqlangan kun deb hisoblanadi.