O’zbekiston respublikasining soliq kodeksi I bo’lim. Umumiy qoidalar

229-modda. Soliq organiga soliq nazoratini amalga oshirish uchun 
zarur bo’lgan ma’lumotlarni taqdim etmaslik
Soliq to’lovchi (yig’im to’lovchi, soliq agenti) tomonidan soliq organlariga 
ushbu Kodeksda va soliq to’g’risidagi boshqa qonun hujjatlarida nazarda tutilgan 
hujjatlarni va (yoki) boshqa ma’lumotlarni belgilangan muddatda taqdim etmaslik, 
agar bunday qilmishda ushbu Kodeksning 223, 233 va 235-moddalarida hamda 
ushbu moddaning ikkinchi va uchinchi qismlarida nazarda tutilgan soliqqa oid 
huquqbuzarlik belgilari mavjud bo’lmasa, – 
har bir taqdim etilmagan hujjat uchun 20 ming so’m miqdorda jarima solishga 
sabab bo’ladi. 
Soliq organiga ushbu Kodeks 211-moddasining o’n uchinchi qismida nazarda 
tutilgan hujjatlarni nazorat qiluvchi shaxsning o’zidagi mavjud hujjatlarni taqdim 
etishni rad etishi bilan ifodalangan tarzda taqdim etmaslik, xuddi shuningdek bunday 
hujjatlarni taqdim etishdan boshqacha tarzda bo’yin tovlash yoxud noto’g’riligi ayon 
bo’lgan ma’lumotlar mavjud bo’lgan hujjatlarni taqdim etish, – 
nazorat qiluvchi shaxsdan 10 million so’m miqdorda jarima undirishga sabab 
bo’ladi. 
Soliq agentining hisobga olish joyidagi soliq organiga soliq agenti tomonidan 
hisoblab chiqarilgan va ushlab qolingan, jismoniy shaxslardan olinadigan daromad 
solig’i summalarining hisob-kitobini belgilangan muddatda taqdim etmaganligi, – 

---

229 
uni taqdim etish uchun belgilangan kundan e’tiboran har bir to’liq yoki to’liq 
bo’lmagan oy uchun soliq agentidan 100 ming so’m miqdorda jarima undirishga 
sabab bo’ladi. 
Soliq to’lovchi to’g’risidagi ma’lumotlarni soliq organiga belgilangan 
muddatda taqdim etmaslik, shaxsning o’zida mavjud bo’lgan soliq to’lovchi 
to’g’risidagi ma’lumotlar aks etgan hujjatlarni soliq organining so’roviga ko’ra 
taqdim etishni rad etish yoxud avval boshdanoq noto’g’riligi ayon bo’lgan 
ma’lumotlar mavjud bo’lgan hujjatlarni taqdim etish, agar bunday qilmishda ushbu 
Kodeksning 230 va 240-moddalarida nazarda tutilgan soliq to’g’risidagi qonun 
hujjatlarining buzilish belgilari mavjud bo’lmasa, – 
yuridik shaxs yoki yakka tartibdagi tadbirkordan 1 million so’m miqdorda, 
yakka 
tartibdagi 
tadbirkor 
bo’lmagan 
jismoniy 
shaxsdan
100 ming so’m miqdorda jarima undirishga sabab bo’ladi.