O’zbekiston respublikasining soliq kodeksi I bo’lim. Umumiy qoidalar

218-modda. 
Shaxsning 
soliqqa 
oid 
huquqbuzarlik 
sodir 
etganlikdagi aybini istisno qiluvchi holatlar 
Shaxsning soliqqa oid huquqbuzarlik sodir etganlikdagi aybini istisno qiluvchi 
holatlar deb quyidagilar e’tirof etiladi: 
1) soliqqa oid huquqbuzarlik belgilari bo’lgan qilmishning tabiiy ofat yoki 
boshqa favqulodda va bartaraf etib bo’lmaydigan holatlar oqibatida sodir etilganligi. 
Mazkur holatlar hammaga ma’lum faktlarning, ommaviy axborot vositalarida e’lon 
qilingan ma’lumotlarning mavjudligi va isbotlash uchun maxsus vositalar talab 
etilmaydigan boshqa usullar bilan belgilanadi; 
2) soliqqa oid huquqbuzarlik belgilari mavjud bo’lgan qilmish uni sodir etish 
paytida kasallik holatida bo’lganligi oqibatida o’z harakatlarini o’zi idora 
etolmaydigan yoki boshqara olmaydigan holatda bo’lgan soliq to’lovchi jismoniy 
shaxs tomonidan sodir etilganda. Mazkur holatlar mazmuni, mohiyati va sanasi 
bo’yicha soliqqa oid huquqbuzarlik sodir etilgan o’sha soliq davriga taalluqli 
bo’lgan hujjatlarni soliq organiga taqdim etish orqali isbotlanadi; 
3) soliq organining yoki boshqa vakolatli organning (ushbu organ mansabdor 
shaxsining) soliqni (yig’imni) hisoblab chiqarish, to’lash tartibi to’g’risida yoki 
soliqqa oid qonun hujjatlari qo’llanilishining boshqa masalalari bo’yicha o’z 
vakolatlari doirasida soliq to’lovchiga (yig’im to’lovchiga, soliq agentiga) yoxud 
noma’lum doiradagi shaxslarga bergan yozma tushuntirishlari soliq to’lovchi 
(yig’im to’lovchi, soliq agenti) tomonidan bajarilganda. Mazkur holatlar ushbu 
organning tegishli hujjati mavjud bo’lgan taqdirda belgilanadi, ushbu hujjat ma’nosi 
va mazmuniga ko’ra, bunday hujjat chiqarilgan sanadan qat’iy nazar, soliqqa oid 
huquqbuzarlik yuz bergan soliq davriga taalluqli bo’ladi; 
4) soliq monitoringini o’tkazish davrida soliq organining soliq to’lovchiga 
(yig’im to’lovchiga, soliq agentiga)yuborilgan asoslantirilgan fikri soliq to’lovchi 
(yig’im to’lovchi, soliq agenti) tomonidan bajarilganda; 
5) ishni ko’rayotgan sud tomonidan e’tirof etiladigan, shaxsning soliqqa oid 
huquqbuzarlik sodir
 
etganlikdagi aybini istisno qiladigan boshqa holatlar. 

---

224 
Ushbu modda birinchi qismining 3 va 4-bandlarining qoidalari, agar soliq 
organining yozma tushuntirishlari yoki asoslantirilgan fikri soliq to’lovchi (yig’im 
to’lovchi, soliq agenti) tomonidan taqdim etilgan to’liq bo’lmagan yoki noto’g’ri 
axborotga asoslangan bo’lsa, qo’llanilmaydi. 
Ushbu moddaning birinchi qismida ko’rsatilgan holatlar mavjud bo’lganida, 
shaxs soliqqa oid huquqbuzarlik sodir