O’zbekiston respublikasining soliq kodeksi I bo’lim. Umumiy qoidalar

180-modda. 
Soliq 
to’lovchi 
tomonidan 
soliqlarga 
mustaqil
ravishda tuzatishlar kiritish
Agar transfert narxning belgilanishi ushbu Kodeks 179-moddasining 
sakkizinchi – o’n birinchi qismlarida nazarda tutilgan bir yoki bir nechta soliqning 
(bo’nak to’lovining) pasaytirilishiga yoki zarar summasining ko’paytirilishiga olib 
kelgan bo’lsa, soliq to’lovchi soliq bazasiga va (yoki) tegishli soliqlarning 
(zararlarning) summasiga mustaqil ravishda tuzatishlar kiritishga haqli. Bunday 
tuzatish kiritish summalariga tuzatish kiritilishi lozim bo’lgan soliqlar bo’yicha soliq 
davrini (soliq davrlarini) o’z ichiga oluvchi kalendar yil o’tgach amalga oshiriladi.
Soliq to’lovchi soliq bazasiga va (yoki) soliq summasiga mustaqil ravishda 
tuzatish kiritgan bitimni identifikatsiya qilish imkonini beradigan ma’lumotlar 
tegishli aniqlashtirilgan soliq hisobotiga ilova qilinadigan tushuntirishlarda 
ko’rsatiladi.
Ushbu moddaning birinchi va ikkinchi qismlarida nazarda tutilgan tuzatishlar: 
1) tegishli soliq davri uchun foyda solig’i bo’yicha soliq hisobotini taqdim 
etish bilan bir vaqtda yoxud agar yuridik shaxs foyda solig’ini to’lovchi bo’lmasa, 
foyda solig’i bo’yicha soliq hisobotini taqdim etish uchun belgilangan muddatlarda 
yuridik shaxslar tomonidan; 
2) jismoniy shaxslardan olinadigan daromad solig’i bo’yicha soliq 
deklaratsiyasi bir vaqtning o’zida taqdim etilgan holda jismoniy shaxslar tomonidan 
amalga oshirilishi mumkin.
Qo’shilgan qiymat solig’i va er qa’ridan foydalanganlik uchun soliq bo’yicha 
kiritilgan tuzatishlar tuzatishlarni kiritish amalga oshirilgan har bir soliq davri 
bo’yicha aniqlashtirilgan soliq hisobotida aks ettiriladi, bu tuzatishlar foyda solig’i 
(jismoniy shaxslarning daromadlaridan olinadigan soliq) bo’yicha soliq hisoboti 
bilan bir vaqtda taqdim etiladi.
Ushbu moddaning uchinchi va to’rtinchi qismlariga muvofiq amalga oshirilgan 
tuzatish kiritish natijalariga ko’ra, soliq to’lovchi tomonidan mustaqil ravishda 
aniqlangan qo’shimcha hisoblangan soliq summasi tegishli soliq davri uchun foyda 
solig’ini (jismoniy shaxslarning daromadlaridan olinadigan soliqni) to’lash 
sanasidan kechiktirilmagan muddatda so’ndirilishi kerak. 

---

177 
Bunda soliq majburiyati yuzaga kelgan sanadan to uni bajarishning belgilangan 
muddati o’tguniga qadar bo’lgan davr uchun mazkur majburiyatlarning summasiga 
penyalar hisoblanmaydi. 
Kalendar yil ichida tugaydigan soliq davrlarining (hisobot davrlarining) 
yakunlari bo’yicha soliqlarni (bo’nak to’lovlarni) hisoblab chiqarishda soliq 
to’lovchi bitimlarning haqiqiy narxlaridan foydalanishga haqli.