O’zbekiston respublikasining soliq kodeksi I bo’lim. Umumiy qoidalar

145-modda. Soliq auditini o’tkazishga doir cheklovlar 
 
Soliq organlari ayni bir davrda ayni bir soliqlar bo’yicha bittadan ortiq soliq 
auditi o’tkazishga haqli emas. 
Soliq auditini o’tkazish chog’ida soliq organiga ma’lum bo’lmagan yangi 
holatlar aniqlangan taqdirda soliq organi takroriy soliq auditini tayinlaydi. 
 
 
 
146-modda. Muqobil soliq tekshiruvi 
 

---

146 
Muqobil soliq tekshiruvi sayyor soliq tekshiruvining turi bo’lib, u ko’rsatilgan 
shaxslarning soliq to’lovchi bilan operatsiyalari, ushbu operatsiyalar faktini va 
mazmunini tasdiqlash to’g’risida, shuningdek mazkur soliq to’lovchini (soliq 
agentini) soliq auditidan o’tkazish jarayoni yuzaga keladigan boshqa masalalarga 
axborot olish maqsadida amalga oshiriladi.
Bunday soliq tekshiruvi mazkur shaxslarning soliq to’lovchi bilan o’tkazilgan 
operatsiyalari to’g’risida qo’shimcha axborot olish, ushbu operatsiyalar faktini va 
mazmunini tasdiqlash maqsadida, shuningdek mazkur soliq to’lovchining (soliq 
agentining) soliq tekshiruvi chog’ida yuzaga kelgan boshqa masalalar bo’yicha 
o’tkaziladi. 
Muqobil soliq tekshiruvi yuqori turuvchi soliq organi rahbarining (rahbari 
o’rinbosarining) qaroriga ko’ra bunday soliq tekshiruvidan o’tkazilishi lozim 
bo’lgan shaxs qaysi soliq organining soliq bo’yicha hisobida turgan bo’lsa, o’sha 
organ tomonidan o’tkaziladi. 
Muqobil soliq tekshiruvi o’tkazilayotganda soliq organining mansabdor 
shaxslari mazkur qarorda belgilangan tekshiruv mavzusidan tashqariga chiqishga 
haqli emas. 
Muqobil soliq tekshiruvini o’tkazish to’g’risidagi qarorda quyidagi 
ma’lumotlar bo’lishi kerak: 
1)
tekshiriladigan shaxsning to’liq va qisqartirilgan nomi yoki familiyasi, 
ismi, otasining ismi; 
2)
tekshiruv predmeti; 
3)
tekshiruv o’tkazish topshiriladigan soliq organi xodimlarining lavozimlari, 
familiyalari va ism-shariflari. 
Soliq organi rahbarining (rahbar o’rinbosarining) muqobil soliq tekshiruvini 
o’tkazish to’g’risidagi qarorining shakli O’zbekiston Respublikasi Davlat soliq 
qo’mitasi tomonidan tasdiqlanadi. 
Muqobil soliq tekshiruvini o’tkazish muddati besh kundan oshishi mumkin 
emas.