O’zbekiston respublikasining soliq kodeksi I bo’lim. Umumiy qoidalar

 
 
 
 
143-modda. Soliq auditi 
 
Muayyan davr uchun soliqlar va yig’imlarni hisoblab chiqarish hamda 
to’lashning to’g’riligini tekshirish soliq auditidir. 
Soliq auditini amalga oshirish maqsadida soliq organining rahbari (rahbar 
o’rinbosari) tomonidan buyruq chiqariladi, buyruqda tekshiriladigan ob’ektning 
nomi, soliq to’lovchining identifikatsiya raqami, soliq auditini o’tkazish maqsadlari 
va muddatlari ko’rsatiladi. 
Soliq auditi o’tkazish boshlanguniga qadar 30 kalendar kun oldin soliq 
organlari soliq to’lovchiga soliq auditi o’tkazilishi to’g’risida xabarnoma yuboradi. 
Xabarnoma u yuborilgan kundan e’tiboran topshirilgan deb hisoblanadi. 
Xabarnomada tekshiruvning boshlanish sanasi, tekshirilishi lozim bo’lgan 
masalalarning ro’yxati, zarur hujjatlarning dastlabki ro’yxati, shuningdek soliq 
auditini o’tkazish uchun zarur bo’lgan boshqa ma’lumotlar ko’rsatiladi. 
Soliq organi soliqlarni to’lashdan bo’yin tovlash belgilari mavjud bo’lgan 
hollarda soliq auditini O’zbekiston Respublikasi Davlat soliq qo’mitasi bilan 
kelishgan holda soliq to’lovchini xabardor etmasdan boshlashga haqli. 
Yirik soliq to’lovchilar toifasi jumlasiga kiritilgan soliq to’lovchilarning soliq 
auditi Yirik soliq to’lovchilar bo’yicha hududlararo inspektsiya tomonidan 
boshliqning yoki uning o’rinbosarining buyrug’i asosida amalga oshiriladi. 
Soliq auditida ishtirok etish uchun boshqa soliq organlarining mansabdor 
shaxslar jalb etilishi mumkin. 
Soliq auditini o’tkazish to’g’risidagi buyruqda uni o’tkazish dasturi ham 
tasdiqlanadi, unda soliq to’lovchining nomi va identifikatsiya raqami, tekshiruvchi 
shaxslarning familiyasi, ismi, otasining ismi va lavozimi, tekshiruvni o’tkazish 
muddatlar hamda maqsadi ko’rsatiladi.
Soliq auditi faqat oxirgi soliq auditidan keyingi davrni, biroq yangi soliq 
auditini o’tkazish yilidan bevosita keyingi besh kalendar yildan ko’p bo’lmagan 
davrni qamrab olishi mumkin. 
Soliq auditini o’tkazish to’g’risidagi nizom O’zbekiston Respublikasi Davlat 
soliq qo’mitasi tomonidan tasdiqlanadi.