Молия бозори ва биржа иши ўқув қўлланма

Депозит сертификатлари 
Депозит сертификати (ингл. Cеrtificatе of dеpositе) – банкка қўйилган 
омонат суммасини ва омонатчининг (сертификат сақловчининг) омонат 
суммасини ҳамда сертификатда шартлашилган фоизларни сертификатни 
берган банкдан ёки шу банкнинг исталган филиалидан белгиланган муддат 
тугаганидан кейин олиш ҳуқуқини тасдиқловчи ноэмиссиявий қимматли 
қоғоз. 
Депозит сертификатлари 60–йиллардан бошлаб АҚШ ва Буюк 
Британияда омонат депозит гувоҳномасининг бир тури кредит муассасасига 
пул қўйилганлигини тасдиқловчи хужжат сифатида фаол тараққий этди. 
Ушбу хужжат орқали омонат талаб қилиб олиниши мумкин. Юқорида қайд 
этилган 
мамлакатларда 
муддатли 
муомалада 
бўладиган 
депозит 
сертификатларини чиқариш кенг тарқалди, улар омонатчилар томонидан 
дилерларга эмас, балки банкка фоизларнинг йўқотилиши билан сотилиши 
ёки ўтказма ёзувлар ёрдамида бир шахсдан иккинчи шахсга қайта сотилиши 
мумкин. Бундай сертификатлар АҚШда йирик суммаларга чиқарилади. 100 
мингдан 1 млн. долларгача. Сармоядор сифатида йирик корхоналар, ҳорижий 
омонатчилар, маҳаллий хокимият идоралари иштирок этиши мумкин. 
Сертификатлар айниқса уларни солиқ тўлашга қабул қилиниши туфайли 
жуда оммабоп бўлиб қолди. 
Ўзбекистонда мустақилликка эришилганидан кейин 1994 йилдан 
бошлаб сертификатлар икки турда чиқарила бошланди: 
депозит сертификатлари – юридик шахслар учун, 1 йилгача муддатга; 
депозит (жамғарма) сертификатлари – жисмоний шахслар учун, 3 
йилгача муддатга. 
Сертификатнинг муомалада бўлиш муддати берилган санадан бошлаб 
унинг эгаси омонатни талаб қилиб олиш хуқуқини оладиган санагача 
ҳисобланади. Агар сертификат бўйича депозит ва омонатни олиш муддати 
кечиқтирилса, у ҳолда бундай сертификат у бўйича талаб қилиб олинадиган 
хужжат ҳисобланади, ушбу сертификат бўйича банк унинг эгасининг 
биринчи талабига кўра зудлик билан унда кўрсатилган суммани тўлаш 
мажбуриятини олади, 
Банк сертификатни муддатидан олдин тўловга тақдим этилиши 
эхтимолини назарда тутиши мумкин. Бундай ҳолларда банк томонидан 
олдиндан, сертификатни бериш йилида белгиланган сертификатнинг унда 
ёзиб қўйилган қиймати ва пасайтирилган ставка бўйича фоизлар тўланади. 
Сертификат эгасига сертификатнинг муомалада бўлиш муддати тугаши 
билан унинг эгасига тегишли бўлган дастлаб чиқариш ва муомалада бўлиш 
шартларида белгиланган ставка бўйича фоизлар эмитент банк томонидан, 
ушбу сертификат ҳарид қилинган йилдан қатъи назар, тўланиши лозим. 
Сертификатлар бир марталик қилиб ҳам, серияли, эгасининг номи 
ёзилган ва кўрсатувчи эгалик қиладиган турларда ҳам чиқарилиши мумкин. 
Сертификатни чиқарувчи банк Марказий банк билан келишган ҳолда 
унга бошқа қўшимча шартлар ва реквизитларни киритиши мумкин. 
Сертификат бланкида чиқариш ва муомалада бўлишининг барча шартлари 

---

27 
(сертификат бўйича талаб қилиш хуқуқини бошқа шахсга бериш шартлари ва 
тартиби) кўрсатилиши зарур. Агарда сертификат билан унинг бланкида 
кўрсатилган шартларда назарда тутилмаган операция амалга оширилган 
бўлса, унда бундай операция хақиқий эмас, деб ҳисобланади.