Shartli belgilar

XIX asr oxiri — XX asr boshlarida
Germaniya. Imperiyaning tashkil topishi
Yuqorida aytilganidek, Fransiya—Prussiya
urushi davom etayotgan bir paytda, ya’ni
1871-yilning 18-yanvarida barcha german
davlatlarining monarxlari Versalda to‘planib, Prussiya qiroli Vil-
gelm I ni Germaniya imperatori deb e’lon qildilar. Bu Ger-
maniyaning ikkinchi marta imperiya deb e’lon qilinishi edi. (Eslang:
Germaniya qachon 1-marta imperiya deb e’lon qilingan edi?)
Shunday qilib, butun Germaniya hududining 2/3 qismida joy-
lashgan, aholisining esa 60%i yashayotgan Prussiya monarxiyasi
yetakchiligida Germaniyaning birlashuvi tugallandi. Yagona va yaxlit
Germaniya imperiyasi barpo etildi.
1871-yil imperiya reyxstagi umumgerman
konstitutsiyasini qabul  qildi. Germaniya
imperiyasi ittifoqchilar davlati bo‘lib qoldi.
Elzas-Lotaringiya imperiya tarkibiga hokim (shtatgalter) tomoni-
dan idora qilinadigan „maxsus imperiya viloyati“ bo‘lib kirdi. Ho-
kimni imperatorning o‘zi tayinlardi. Imperiyaga kirgan ayrim dav-
latlar o‘z konstitutsiyalari va parlamentlarini (landtaglarini) saqlab
qoldi.
8-§.