Asosiy qoidalar

562-modda. Voyaga yetmaganlar ishlari bo‘yicha idoralararo komissiyaga ishning
ko‘rilishi haqida xabar berish

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
207/232
Sud, zarurat bo‘lganda, voyaga yetmagan shaxsning jinoyati to‘g‘risidagi ishni ko‘rish vaqti va
joyi haqida voyaga yetmaganlar ishlari bo‘yicha idoralararo komissiyaga xabar beradi. Sud,
shuningdek bu komissiya vakillarini guvoh sifatida so‘roq qilish uchun sud majlisiga chaqirishga
haqlidir.
(562-modda O‘zbekiston Respublikasining 2017-yil 14-sentabrdagi O‘RQ-446-sonli 
Qonuni 
tahririda —
O‘R QHT, 2017-y., 37-son, 978-modda)
563-modda. Voyaga yetmagan sudlanuvchiga nisbatan hukm chiqarishda sud tomonidan
hal etiladigan masalalar
Voyaga yetmagan sudlanuvchiga nisbatan hukm chiqarishda sud, ushbu Kodeksning 
457-
moddasida 
ko‘rsatilgan masalalardan tashqari, basharti voyaga yetmagan shaxs shartli hukm
qilinsa, unga ozodlikdan mahrum etish bilan bog‘liq bo‘lmagan jazo tayinlansa, voyaga yetmagan
shaxsga jamoat tarbiyachisi tayinlash zarurligini muhokama qilishga majbur.
564-modda. Voyaga yetmagan shaxsni javobgarlikdan yoki jazodan majburlov choralarini
qo‘llagan holda ozod qilish
Oldingi
 tahrirga qarang.
Voyaga yetmagan shaxsni Jinoyat kodeksi 87-moddasining 
birinchi qismiga 
muvofiq
javobgarlikdan ozod qilib, materiallarni voyaga yetmaganlar ishi bilan shug‘ullanuvchi komissiyada
ko‘rishga topshirishda surishtiruvchi, tergovchi, prokuror qaror, sud esa ajrim chiqaradi.
(564-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Voyaga yetmagan shaxsga nisbatan ishni ko‘rishda Jinoyat kodeksi 87-moddasining 
ikkinchi
va 
uchinchi
 qismlarida nazarda tutilgan hollarda sud voyaga yetmagan shaxsni jazodan ozod qilish
va unga nisbatan majburlov chorasini qo‘llanish to‘g‘risidagi masalani muhokama etishi shart. Sud
majburlov chorasini qo‘llanish yoki qo‘llanmaslik to‘g‘risida asoslantirilgan ajrim chiqaradi.
Majburlov chorasini qo‘llanish yoki qo‘llanmaslik to‘g‘risidagi ajrim ustidan umumiy tartibda
shikoyat berilishi va protest bildirilishi mumkin.