Ойликдан яшаргача ёшдаги касал бола а£волини ба£оланг ва таснифланг

 
ЎРТАЧА СУВСИЗЛАНИШ 
Болада ОҒИР СУВСИЗЛАНИШ белгилари бўлмаса, кейинги қаторга қаранг. Болада 
ЎРТАЧА СУВСИЗЛАНИШ белгилари бормикин? 
Агар қуйидаги белгилар – безовта ёки бетоқат, кўзлари киртайган, суюқликни ютоқиб 
ичади, чанқоқ, тери бурмаси секин текисланади, деган белгиларнинг иккитаси ёки 
ундан кўра кўпроғи болада бўлса, ундаги сувсизланишни ЎРТАЧА СУВСИЗЛАНИШ 
деб таснифланг. 
Давоси 
ЎРТАЧА СУВСИЗЛАНГАН бола суюқлик ва овқатга муҳтож бўлади. Болани ОРВнинг 
паст осмоляр эритмаси ва цинк препарати билан даволанг. 
ЎРТАЧА СУВСИЗЛАНГАН бола суюқликка ва овқатга қўшимча равишда муҳтож 
бўлади. Эмизиб боқиладиган болани эмизиб боришда давом этиш керак. Бошқа болалар 
ўзлари одатда ичиб турадиган сутлари ёки бошқа тўйимли овқатларини ОРВ ёрдами 
билан даволашдан сўнг 4 соатдан кейин давом эттиришлари керак. 

---

41 
Бундай даво 
Даволанг
схемасининг «Б режа: Ўртача сувсизланишга ОРВ Ёрдамида 
Даво қилинг» рамкасида тасвирланган. 
 
СУВСИЗЛАНИШ ЙЎҚ 
Болада пушти ва сариқ қатордаги белгилардан иккитаси ёки ундан кўпи бўлмаса,
бундай болага СУВСИЗЛАНИШ ЙЎҚ деб тасниф берилади. 
Давоси 
Бундай бола сувсизланишнинг олдини олиш учун қўшимча суюқликка муҳтож бўлади. 
СУВСИЗЛАНИШ ЙЎҚ деб таснифланган бола уйда даволанишга муҳтож. Қуйида уйда 
даво қилишнинг 4 та қоидаси келтирилган: 
1.
Қўшимча суюқликлар бериш;
2.
Овқатлантиришни давом эттириб бориш; 
3.
Цинк препаратини бериш; 
4.
Қачон болани тиббий муассасага олиб келиш лозимлигини билиш керак. 
Болага қандай суюқликларни ва қандай ҳажмда, цинк препаратини қанчадан ва неча 
марта бериб туриш зарурлигини онасига ўргатиш «А режа: Диареяга Уйда Даво 
қилинг» рамкасида тасвирланган. СУВСИЗЛАНИШ ЙЎҚ деб таснифланган бола 
овқатга ҳам муҳтож бўлади, онаси эса, қачон яна тиббий муассасага олиб келиш 
кераклиги хусусидаги маслаҳатга муҳтож. Болани овқатлантириш тўғрисидаги 
тавсиялар ва қачон яна тиббий муассасага олиб келиш кераклиги ҳақидаги ахборот 
ОНАГА МАСЛАҲАТ БЕРИНГ
схемасида келтирилган. 
Болада умумий хавф белгилари бор-йўқлигини текшириш, уни кўздан кечириб 
чиқиш босқичларини такрорлашда Сизга ёрдам бериш учун ўқитувчингиз 
такрорлаш машқини ўтказади. Сиз шунингдек, йўтал ва нафас қийинлигини 
баҳолаш босқичларини ҳам такрорлайсиз.

---

42 
МАШҚ Д 
Бу машқда Сиз диарея билан оғриган болалардаги сувсизланишни баҳолаш ва 
таснифлашни машқ қиласиз. Диарея билан оғриган болаларнинг қуйидаги касаллик 
тарихларини ўқиб чиқинг. Cувсизланишни таснифлаш ҳақида схемада берилган 
жадвалдан фойдаланинг. 
1. 
Озод исмли болада диарея 5 кундан бери давом этади. Унинг ахлатида қон йўқ. 
Бола ортиқ даражада инжиқ. Kўзлари киртайиб кетган. Ота-оналари ҳам боланинг 
кўзлари киртайиб қолди, деб ҳисоблашади. Тиббий ходим болага бироз сув бериб 
кўрди, бола сувни ютоқиб ичди. Тиббий ходим боланинг қорнида тери бурмасининг 
текисланиш реакциясини текшириб кўрди – тери бурмаси секин текисланди. 
Боладаги белгилар ва сувсизланиш таснифини Ёзув Шаклига ёзиб қўйинг.